Lawngtlai May 11 : Pu L. Daniala, Bualpui (Ng) 'E' bialtu MDC chuan hripui lêng mêk dona atana sawrkarin inkhuahkhirhna hrang hrang a kalpui mek laiin chhungkaw thenkhatin harsatna an tâwk tih a hria a, mipuite harsatna su kiang turin theih tawp a chhuah.
MDC Pu L. Daniala hian a bial chhung, Bualpui (Ng) leh Lungzarhtuma chhungkaw thenkhatin ei leh bara harsatna an tawh thu a hriat veleh DCSO Saiha chu telephone-a biain, an dinhmun hi a hrilh a, a rang lama buhfai pe chhuak turin a ngen a ni.
MDC ngenna hi DCSO, Siaha chuan ngai pawimawhin, a bawhzui nghal a, nimin khan Siaha Supply Centre atangin buhfai thawn chhuah nghal a ni.
Pu L. Daniala hian Buapui (Ng) East leh Lungzarhtum VLTF-te hri dona kawnga an tha tihchak nan cheng 5,000 ve ve a pe bawk.
MDC Pu L. Daniala inpekna leh an harsatna sut kian nana a thil tihte an hriat hian bial chhung mipuite chu an lawmin, an thlamuang hle.
Post a Comment