Covid-19 Sample test 3607 atangin Positive 283 hmuhchhuah thar an ni leh ta.Mizoram ah COVID-19 enkawl mek 2981 an awm mek
Lawngtlai 29.May,2021 :May ni 28, 2021 khan Covid-19 sample test 3607 atangin Covid-19 positive 283 hmuhchhuah an ni. ZMC-RT-PCR Laboratory-ah Covid-19 positive 102 hmuhchhuah an ni a. TrueNAT khawl atangin Covid-19 positive 6 an bawk a ni. Rapid Antigen Test hmanga Covid-19 positive hmuhchhuah thar hi 175 an awm thung a ni.
Nimin khan sample test zawng zawng hi mi 3607 (mipa 2045, Hmeichhia 1562) a ni a, chung zingah chuan positive 283 hmuhchhuah thar an ni a. Sample an test atanga Positive hmuhchhuah zat hi 7.84% a ni. Tin, nimin vek khan positive enkawl lai mi 156 chu Covid-19 positive enkawlna hmun atanga chhuahtir an ni thung.
Tun dinhmun ah hian Mizoram-ah hian positive enkawl mek 2981 an awm mek a. Covid-19 avanga nunna chan mi 35 an awm thung. Hri a lo len atangin hri kai mi 11659 an awm a. Heng zinga mi 7037 hi mipa an ni a, hmeichhia 4622 an ni a. Dam taka chhuak hi 8643 an ni.
Mizoram a District 11 ah hri vei enkawl lai an awm vek a. Aizawl District ah 2288, Lunglei District 136, Siaha District 34, Champhai District 34, Kolasib District 94, Serchhip District 109, Lawngtlai District 203, Mamit District 24, Khawzawl District 11, Hnahthial District 0 leh Saitual District 48 -te enkawl mek an ni.
Nimin khan ZMC RT-PCR Laboratory ah sample 1489 test niin mi 102 an positive a. An zing a mi 49 chu mipa niin hmeichhia 53 an ni a. Symptom nei pakhat (1) leh Symptom nei lo 101 an ni. An vai hian Aizawl District vek an ni.
TrueNat khawl hmanga positive an hmuhchhuah hi 6 an ni a. Sample 195 endik niin mipa 133 leh hmeichhia 62 an ni a. Symptom nei lo vek an ni. Serchhip Distirct vek an ni.
Rapid Antigen Test hmanga hian sample 1923 endik an ni a. Mipa 1178 leh hmeichhia 745 an ni. Heng an endik atang hian Covid-19 positive 175 an awm a. An zinga mi 147 chu symptom nei an ni a, mi 28 ten symptom an nei lo thung a ni. Aizawl District -128, Lawngtlai District-4, Lunglei District-16, Saitual District-2, Kolasib District-13, Serchhip District-9 leh Mamit District-3 te an ni.
Nimin khan vanduaithlak takin Pu PC.Lalthanmawia (80) Electric Veng, Aizawl chu Covid-19 Pneumonia vangin ZMC-ah a boral a. Ti hian Mizoram ah Covid-19 avanga nunna chan mi 35 kan nei ta a ni.
Lawngtlai district (4)
Kamalanagar-II (2) : Mipa 36 & 75 mi, positive contact atanga hri kai, symptoms nei lo an ni.
Bethel Veng, Lawngtlai (1) : Mipa kum 34, inrinhlelh vanga sample test, hri kaina chhui ngai, symptom nei lo an ni.
Rondokpur (1) : Hmeichhia Kum 28 mi, positive contact atanga hri kai, symptom nei lo a ni.
Post a Comment