Lawngtlai 21.May,2021 : May ni 20, 2021 khan ZMC RT-PCR laboratory-ah COVID-19 positive 105 hmuhchhuah a ni a. TrueNAT laboratory-a sample test zingah COVID-19 positive 5 a awm bawk a, Rapid Antigen Test hmanga COVID-19 positive hmuhchhuah thar 186 an awm thung a ni.
Nimin khan sample test zawng zawng hi mi 4741 (mipa 2629, Hmeichhia 2112) a ni a, chung zingah chuan positive 296 hmuhchhuah thar an nni a. Sample an test atanga Positive hmuhchhuah zat hi 6.24% a ni. Tin, nimin vek khan positive enkawl lai mi 136 chu Covid-19 positive enkawlna hmun atanga chhuahtir an ni thung.
Tun dinhmun ah hian Mizoram-ah hian positive enkawl mek 2303 an awm mek a. Covid-19 avanga nunna chan mi 30 an awm thung. Hri a lo len atangin hri kai mi 9740 an awm a. Heng zinga mi 6134 hi mipa an ni a, hmeichhia 3606 an ni a. Dam taka chhuak hi 7407 an ni.
Mizoram a District 11 ah hri vei enkawl lai an awm vek a. Aizawl District ah 1643, Lunglei District 99, Siaha District 21, Champhai District 70, Kolasib District 153, Serchhip District 89, Lawngtlai District 32, Mamit District 13, Khawzawl District 10, Hnahthial District 1 leh Saitual District 37 -te enkawl mek an ni.
ZMC RT-PCR Laboratory hmanga positive hmuhchhuah zat hi 105 a ni a. Aizawl District ah 91 niin Kolasib district 14 an ni.
TrueNat khawl hmanga positive an hmuhchhuah hi panga (5) an ni a. Champhai District pahnih (2), Lunglei, Saitual leh Serchhip District ah pakhat theuh an awm bawk.
Rapid Antigen Test hmanga hmuhchhuah hi 185 an ni a. Aizawl district ah 129, Champhai District 21, Lawngtlai District 11, Kolasib District 8, Lunglei District 3 leh Mamit District 1 ah te positive hmuhchhuah an ni.
Lawngtlai District
Kamalanagar-II (8) : Mipa 3 (kum 25 & 38 mi pahnih) leh Hmeichhia 5 (kum 3 - 45) an ni a. Mahni inrinhlelh vanga sample test, symptom nei lo an ni.
College Veng, Lawngtlai (1) leh Council Veng, Lawngtlai (2) : Hmeichhia vek kum 4, 37 & 47 an ni a. Positive contact atanga hri kai, symptom nei lo an ni.
Post a Comment