Lawngtlai 25.May,2021 : May ni 24, 2021 khan ZMC RT-PCR laboratory a sample test atangin positive 87 awmin, TrueNAT laboratory-a sample test zingah COVID-19 positive 6 awmin, Rapid Antigen Test hmanga COVID-19 positive hmuhchhuah thar 197 an awm thung a ni.
Nimin khan sample test zawng zawng hi mi 4303 (mipa2348, Hmeichhia 1955) a ni a, chung zingah chuan positive 290 hmuhchhuah thar an ni a. Sample an test atanga Positive hmuhchhuah zat hi 6.74% a ni. Tin, nimin vek khan positive enkawl lai mi 103 chu Covid-19 positive enkawlna hmun atanga chhuahtir an ni thung.
Tun dinhmun ah hian Mizoram-ah hian positive enkawl mek 2569 an awm mek a. Covid-19 avanga nunna chan mi 34 an awm thung. Hri a lo len atangin hri kai mi 10622 an awm a. Heng zinga mi 6541 hi mipa an ni a, hmeichhia 4081 an ni a. Dam taka chhuak hi 8019 an ni.
Mizoram a District 11 ah hri vei enkawl lai an awm vek a. Aizawl District ah 2056, Lunglei District 99, Siaha District 23, Champhai District 40, Kolasib District 82, Serchhip District 103, Lawngtlai District 100, Mamit District 17, Khawzawl District 8, Hnahthial District 0 leh Saitual District 41 -te enkawl mek an ni.
Nimin khan ZMC RT-PCR Laboratory hmanga positive hmuhchhuah hi 87 a ni a. Aizawl District vek an ni. Mipa 37 leh Hmeichhia 50 niin Symptom nei pahnih (2) leh Symptom nei lo 85 an ni.
TrueNat khawl hmanga positive an hmuhchhuah hi paruk (6) an ni a. Siaha District 3, Lunglei, Champhai leh Serchhip District ah pakhat theuh an awm bawk. Mipa 2 leh Hmeichhia 4 an ni a, an vai hian Symptom nei lo vek an ni.
Rapid Antigen Test hmanga hmuhchhuah hi 197 an ni a. Aizawl district ah 124, Lawngtlai District ah 30, Lunglei District ah 17, Khawzawl District ah 3, Serchhip District ah 10, Saitual District ah 2 leh Kolasib District ah 11 te an ni.
Heng positive hmuhchhuah thar te hi Mipa 107 leh Hmeichhia 90 an ni a. Symptom nei 157 niin Symptom nei lo 40 an awm thung a ni.
Nimin khan vanduaithlak takin ZMC ah Covid-19 positive enkawl pahnih Pi Zoramnghinhi (50) Maubawk, Aizawl leh Pi Thatinkipi (49), Chhunga Veng te an boral a ni.
Lawngtlai district (30)
Kamalanagar-II (17) : Mipa 8 (kum 13 - 61) leh Hmeichhia 9 (kum 12 - 40) an ni a. Positive contact atanga hri kai, symptom nei lo mi 6 leh symptom neih vanga sample test, hri kaina chhui ngai mi 11 an ni
Kamalanagar-I (5) : Mipa 4 (kum 14, 19, 26 & 43) leh Hmeichhia kum 18 mi an ni a. Positive contact atanga hri kai mi 2 leh hri kaina chhui ngai mi 3 niin, symptom nei lo vek an ni.
Kamalanagar-III (2) : Mipa kum 25 mi leh Hmeichhia kum 32 mi an ni a. Inrinhlelh vanga sample test, hri kaina chhui ngai niin, mipa hian symptom a nei.
AOC Veng, Lawngtlai (1) : Mipa kum 24 mi, inrinhlelh vanga sample test, hri kaina chhui ngai, symptom nei lo a ni.
Electric Veng, Lawngtlai (1) : Mipa kum 32 mi, inrinhlelh vanga sample test, hri kaina chhui ngai, symptom nei lo a ni.
Borapansury (1) : Mipa kum 29 mi, inrinhlelh vanga sample test, hri kaina chhui ngai, symptom nei a ni.
Chawngte-L (1) : Mipa kum 29 mi, inrinhlelh vanga sample test, hri kaina chhui ngai, symptom nei a ni.
Post a Comment