Nimin May ni 16, 2021 khan ZMC RT-PCR laboratory chu tihfai anih avangin sample test a awm lova. TrueNAT laboratory-a sample test zingah COVID-19 positive 8 an awm a. Rapid Antigen Test hmanga COVID-19 positive hmuhchhuah thar 142 an awm bawk a ni.
Hetih lai hian RAgT positive hmuhchhuah thar report zingah mi pahnih nunna chan an awm bawk. Pi Mangdini, Kum 61, Chhinga Veng chu tukin zing dar 2:30 khan a boral zui a. Amah hi nimina Covid-19 positive ani tih hriatchhuah a ni a. ZMC ah admit nghal a ni. Tin, ani bakah hian Thingdawl, Kolasib District-a mi RAgT hmanga positive hmuhchhuah Pi Zathangpuii (74) chu ZMC panpui anih mek laiin tukin dar 1:0 khan Zanlawn daiah a boral a. Nimin khan a pasal nen Kolasib District Hospital-ah positive tih hmuhchhuah an ni.
Nimin khan sample test zawng zawng hi mi 599 (mipa 345, Hmeichhia 254) a ni a, chung zingah chuan positive 150 hmuhchhuah thar an ni a. Sample an test atanga Positive hmuhchhuah zat hi 25.04% a ni. Tin, nimin vek khan positive enkawl lai mi 189 chu Covid-19 positive enkawlna hmun atanga chhuahtir an ni thung.
Tun dinhmun ah hian Mizoram-ah hian positive enkawl mek 2117 an awm mek a. Covid-19 avanga nunna chan mi 26 an awm thung. Hri a lo len atangin hri kai mi 8829 an awm a. Heng zinga mi 5693 hi mipa an ni a, hmeichhia 3136 an ni a. Dam taka chhuak hi 6687 an ni.
Mizoram a District 11 ah hri vei enkawl lai an awm vek a. Aizawl District ah 1529, Lunglei District 156, Siaha District 46, Champhai District 43, Kolasib District 118, Serchhip District 127, Lawngtlai District 24, Mamit District 13, Khawzawl District 27, Hnahthial District 1 leh Saitual District 33 -te enkawl mek an ni.
TrueNAT khawl hmanga hmuhchhuah hi 8 awmin an zinga 4 chu Siaha district ami an ni a, Saitual District ah pahnih, Kolasib leh Lunglei district-ah pakhat theuh hmuhchhuah a awm bawk.
Rapid Antigen Test hmanga hmuhchhuah hi 142 a ni a, Aizawl District ah positive 110 hmuhchhuah an ni a, Kolasib District ah 13, Lunglei District ah 7, Saitual District ah 6, Siaha District 2 leh Serchhip District 4 te an ni.
Post a Comment