Sawrkarin May 17th -24th, 2021 chhung Total Lockdown a puan chhunzawm angin VLTF Council Veng chuan veng chhung mipuite awm dan tur chungchangah hetiang hian ruahmanna a siam a, hei hi veng chhung mipuite'n zawm ṭheuh turin kan inngen a ni. 

1. Total Lockdown hun chhung hian mahni In/Compound chhuahsan tam loh tur a ni.

Phalna neilo a pawn chhuak man theih kan ni.

2. Dam lohna leh chhiatna, tih tur tul bik avanga veng pawn a chhuah angaih in VLTF phalna Permit lak tur a ni. 

3. SOP-in a tarlan angin puipunna lam programme reng reng hman phal a ni lo. 

4. Hmun dang / khaw danga zin veivah phal a ni lova, emergency case dam lohna leh chhiat tawh thilah erawh VLTF phalna dil theih a ni. 

Tin, Mikhual neih phal anilo bawk.


5. HNATHAWH Chungchang:

Guidelines thar in a tarlan angin hnathawh phal a ni a. 

Mahse hnathawk tur ten hei hi an zawm tur a ni:

** Hnathawhna hmunah mi panga aia tam an awm tur a ni lo. Mask an vuah ngei ngei tur a ni.

** Hnathawk turte'n VLTF ah in report in phalna an la tur a ni.

Hei hian insak, kawng siam, retaining wall, quarry, lo leh huan adt. a huam ang.

Phalna neilo chu hrem theih an ni. Duty post a in report a harsat chuan VLTF OB te hnenah phone call or message hmangin an in report thei ang.

Phalna hi 17.05.2021 Monday tlailam atangin a duty post ah a lak theih ang.

** Hlawhfa chhawr turte'n mi panga aia tam an chhawr theilo ang.

Tin, hlawhfa chhawr turten Vengchhung mi chauh chhawr hram nise. Hna laklawh leh tulbik anih loh chuan Vengdang a hnathawk tura chhuahloh hram tur a ni.

** Tul bik a mi panga aia tam hnathawh angaihin DC Office ah phalna la in VLTF ah an phalna lehkha an show tur a ni.

** Hnathawk tur ten Zing dar 9:30am hmain an hnathawhna ah an awm vek tur ani a. Khawchhungah veihvah phal ani lo. Tin, Ram leh huan lama kal turte pawhin Zing dar 9:00 hmain khawchhung an chhuahsan hman tur a ni.

** Dan zawm lo kan inhria emaw report a awm chuan action lâk a ni ang. 

** Hnathawh chungchang hi siamthat ngai emaw her rem ngai a awm chuan VLTF te'n an ngaihtuah tha ang.

6. Chhiat tawh leh Inneihna Programme reng rengah VLTF te'n ruahmanna an siam ang a, heng programme-a telte hi an hming, register ah chhinchiah thin a ni ang.

7. Nilaini 19/05/2021 leh Inrinni 22/05/2021 ah vengchhung bik tan bazar hun hawn ani anga, dawr hawn phal a ni ang. Tin, VLTF ten Bazar dan ruahmanna an siam ang.

Chu mi ni lo zawng ah chuan Dawr khar vek tur a ni ang.

8. Pastor leh Kohhran Hruaitute chu kohhran thil pawimawhah chuan kohhran member-te tlawh leh veivah phalsak an ni ang.

9. Bungraw load leh unload tur a awmin VLTF te phalna la in Zan dar 8:00pm to Zing 4:00am inkarah an Bungrua-te an load/unload thei ang.

10. Council Veng chhunga office kal tur reng rengin an HOD te'n office kai tura an ruatna lehkha (order) VLTF duty te hmuhtheih turin an nei tur a ni a, Department Batch, hming leh department lanna an awrh vek bawk tur a ni.

11. Permit (case hrang hrang) mamawh ten zing dar 9:30 hma a Duty Post ah lak fel hman thin tur a ni. Urgent case anih loh chuan 9:30am hnulam ah chuan in dil tawhlo tur a ni.


Quarantine chungchang

Thuchhuah siam tawh angin

State pawn atang leh State chhung Positive tamna area atanga lo haw te Quarantine thin an ni a. (State pawn ni10, state chhung ni 5)Tin, contact tracing a tel mimal leh chhungkua te pawh Quarantine tur an ni. 

Quarantine-Family, Home, mimal, CQC a awm te inkaihhruaina dan pel a che, pawnchhuak lui leh mi dang tana hnawksak/hlauhawm a kan awm chuan dan hmanga action lak tur a ni ang.


Note: Heta tarlan bak zawngah chuan Total Lockdown Guidelines anga kal tur a ni ang.


Sd/- Secretary , VLTF on Covid 19, Council Veng

Post a Comment

Powered by Blogger.