Lawngtlai 20.May,2021 : May ni 19, 2021 khan ZMC RT-PCR laboratory-ah COVID-19 positive 5 hmuhchhuah an ni a. TrueNAT laboratory-a sample test zingah COVID-19 positive 5 an awm a, Rapid Antigen Test hmanga COVID-19 positive hmuhchhuah thar 192 an awm bawk a ni
Nimin khan sample test zawng zawng hi mi 1622 (mipa 916, Hmeichhia 706) a ni a, chung zingah chuan positive 192 hmuhchhuah thar an nni a. Sample an test atanga Positive hmuhchhuah zat hi 11.90% a ni. Tin, nimin vek khan positive enkawl lai mi 177 chu Covid-19 positive enkawlna hmun atanga chhuahtir an ni thung.
Tun dinhmun ah hian Mizoram-ah hian positive enkawl mek 2143 an awm mek a. Covid-19 avanga nunna chan mi 30 an awm thung. Hri a lo len atangin hri kai mi 9444 an awm a. Heng zinga mi 5998 hi mipa an ni a, hmeichhia 3446 an ni a. Dam taka chhuak hi 7271 an ni.
Mizoram a District 11 ah hri vei enkawl lai an awm vek a. Aizawl District ah 1643, Lunglei District 122, Siaha District 29, Champhai District 47, Kolasib District 131, Serchhip District 77, Lawngtlai District 24, Mamit District 14, Khawzawl District 17, Hnahthial District 1 leh Saitual District 38 -te enkawl mek an ni.
ZMC RT-PCR Laboratory hmanga hmuhchhuah hi 5 hmuhchhuah thar an awm a, an vaiin Aizawl District vek an ni.
TrueNat khawl hmanga positive an hmuhchhuah hi panga (5) an ni a. Kolasib District ah pathum (3), Aizawl leh Khawzawl District ah pakhat ve ve an ni.
Rapid Antigen Test hmanga hmuhchhuah hi 98 an ni a. Aizawl district ah 152, Lawngtlai Distrct - 4, Kolasib District - 12, Serchhip District - 4, Siaha District-2 , Mamit District-1 leh Saitual District -7
Vanduaithlak takin Pu Lalrinpuia (71), Thiak khua chu Covid-19 Pneumonia avangin ZMC-ah a boral, ni 12.05.21 khan Civil Hospital ah hri kai tih hmuhchhuah a ni a, ZMC ah sawn phei niin ni 18.05.2021 khan ICU ah dahluh a ni. Amah hi ril TB nei thin a ni.
Post a Comment