Indian Council of Medical Research (ICMR) chuan mahnia Covid-19 kai leh kai loh inenchhinna Rapid Antigen testing (RAT) kit hman phalna a tichhuak a, tun atanga rei vak lo ah lei theihin a awm ang.
He kit hi Pune-a inkhuar MyLabs Discovery Solutions siamchhuah a ni a. Mahni chenna in-ah Natna luangchhuak emaw Laboratory-a finfish Covid-19 kaite nena inhnimhnaite tana hman tura tih a ni tiin ICMR chuan a sawi
CoviSelfTM (PathoCatch) Covid-19 OTC Antigen LF, Mylab Discovery Solutions Ltd, Pune (Maharashtra) siamchhuah chu a hmantlak ngei a ni tih enchhinna neih a nih hnuah a taka hmanchhuah phalna pek an ni tiin ICMR chuan a tarlang bawk.
RAT test atan hian hnar hawlh chiah a ngai dawn a. A siamchhuaktu Company-in user manual-a an tarlan angin test hi kalpui tur a ni a. He kit hmanga positive hmuhchhuah te chu test dang tih a ngai tawh lo, an positive ngei tih a Chiang nghal tiin ICMR chuan an tarlang ani.
Natna langchhuak nei RAT hmanga negative result neite erawh chu RT-PCR hmangin an in test leh nghal tur a ni a.RAT hian Natna langchhuak si, na lutuk lo hovah a hmuh hmaih chang a nei tiin an tarlang bawk.
ICMR chuan Google Play Store leh Apple store atangin home testing mobile app download ngei ngei a ngai tiin a sawi a. Hei hian test kit hman dan turah a hmangtute a kaihruai dawn a, an test a positive emaw a negative emaw a hrilh thei ang.
Post a Comment