Lawngtlai 20.05.2021 : Vawiin lama Lawngtlai District leh District danga thil thleng thenkhat te lo tarlan leh dawn ila. Mi thiante chuan Covid-19 thawhhnihna hi July thla vela tawp turah an ngai a, a thawh thumna hi July thla atanga chhiar a thla ruk-na vela in tan leh turah an ngai. Tih tur pawimawh I nei anih loh chuan, I thenawmte In ah leng lut ngawt suh.
1. Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 11 manin, he'ng an mi mante hi pawisa ₹ 1,100/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 632 man tawh niin, pawisa chawitir zat hi ₹ 73,400/- a tling tawh a ni.
2. VawiinMay 20 dar 10:00am khan Thingkah IR Bn. Qtrs. CCC aṭangin positive dam hmeichhia 1 chhuah tir a ni.
3. Vawiin khan AOC Veng Bialtu MDC Pu LR.Dingliana chuan a bial chhunga VLTF te tlawhin Rs 5,000/- theuh a hlan a. Hei bakah hian Buhfai bag khat theuh leh a bial chhunga Branch YLA te hnenah Silpauline pakhat theuh a hlan bawk.
4. Vawiin khan Mizoram a District pariat atangin Covid-19 inenkawlna hmun atangin mi 136 an chhuak
Lunglei-27 Aizawl -95
Siaha -8 Khawzawl -7
Lawngtlai -3 Saitual -2
Mamit -2 Serchhip-2
5. Vawiin hian Lawngtlai District ah Covid-19 positive case thar 11 neih belh leh ani a. Kamalanagar-II ah pariat, Lawngtlai Council Veng pahnih leh College Veng ah pakhat te hmuhchhuah an ni.
6. Vawiin khan Pi Tluangpuii, Bethel Veng Lawngtlai Brain Tumor avanga boral ta chu an Veng thlanmual ah vuiliam a ni a. A fapa Awmawma chu COVID-19 positive niin a nu ruang thlalak pui turin CCC atangin PPE nen hruai chhuah ani.
7. Vawiin hian Mizoram BJP Vice President Rev Dr.LR.Colney chuan banna a thehlut.
8. Mizoram ah Covid-19 hri danna vaccine dose 2,96,503 pek chhuah a ni tawh a. Vawiin khan mi 3,580 hnenah hri danna pek an ni
9. Vawiin chhun dar 11-12 inkar vel khan Mimbung khaw mi 3 chu Mizoram leh Myanmar inrina Tuisa luia pum a an Chuang chu an chesual a, an zinga pahnih hi tuiah an tla hlum a ni. Tui tla zinga nunna chan te hi Chinrohlun S/o Ginkhanthang, Mimbung leh Chinmuankim d/o Upa Liankhenmamh te an ni
Post a Comment