Nimin khan union health ministry data-ah darkar 24 kalta chhunga Covid-19 hri kai hmuhchhuah thar mi nuai thum leh singsarih an tling tep a, mi sangthum chuang an thi thar niin tarlan a ni. Hetih lai hian Pathianni khan ram pumah Covid-19 vaccine mi 8600 hnenah pek a ni ve bawk.
Ministry data-ah hian mi 3,68,147 zet chuan hri an kai a, tun thlengin hri kai tawh zawng zawng hi mi 1,99,25,604 an tling tawh. Rampuma hri kai hmuhchhuah tam ber ni erawh May 1 kha niin mi 4,01,993 zetin an kai a, a tuk May 2 khan midang 3,92,488 hmuhchhuah thar leh a ni bawk. He natna thihpui hi darkar 24 kalta chhung khan mi 3,417 an awm a, hri leng hriat hnuah thihpui tawh zawng zawng hi mi 2,18,959 an tling. Covid-19 hri kai dam leh hi mi 1,62,93,003 an awm thar thung.
Hetih lai hian vaccine pek thawh thumna kalpui tan a ni a, kum 18-44 inkar tan a nihnihna, Pathianni khan mi 8600 hnenah hri danna pek hman a ni. Heti hian rampuma hri danna pek tawh zawng zawng hi mi mtd 157 an tling tawh. Hri danna dawng tawh zingah hian health care workers first dose la mi 9,428,490 awmin second dose la 6,265,397 an ni tawh a, forst dose tho hi frontline workers mi 12,757,529 hnenah pek tawh niin midang 6,922,093 chuan second dose an la tawh bawk.
Kum 45-59 inkar vaccine la zingah mi 53,280,976 chuan first dose an la a, second dose hi mi 4,008,078 in an lak bakah kum 60 chin chunglam mi 52,618,135 chuan first dose an la tawh a, midang 11,449,310 pawhin second dose an la tawh bawk. Tuna phase thar kum 18-44 inkar pek mekah Pathianni zing thleng khan mi 86,023 chuan first dose hi an la a ni.
Post a Comment