Lawngtlai May 31 : Chawngte Sub-Division huam chhungah Covid-19 hri kai hmuh chhuah a pun zel avangin leh hnu chhui kawnga hmasawnna tam zawk a awm theih nan nimin khan Lawngtlai District Magistrate Dr. Andrew H. Vanlaldika chuan Chawngte Sub-Division huam chhungah Total Lockdown a puang.
Chawngte Sub-Division huam chhunga Total Lockdown hi vawiin atanga hman tan tur niin, June 7 thleng a huam ang.
Vawiin hian Lawngtlai atangin Addl DC, Pi Marilyn Rualzakhumthangi leh Health Department hotute chuan Chawngte dinhmun enfiah tur leh a tul anga hmala turin Chawngte hi an pan ang.
Post a Comment