Lawngtlai 13.05.2021: DCSO Lawngtlai hnuaia Godown 7 ah buhfai a awm tha a, retailer ten buhfai an khul chhuak mek a, mipuiah SOP dan zawm chungin sem mek a ni.
Central Sorkar hmalakna-in (PMGKAY) ah a thlawnin DCSO Lawngtlai hnuaiah nikum 2020 khan Buhfai -24448.60, Dal – 332.00 Quintals leh Chana -531.11 Qntls sem chhuah tawh niin, kumin May leh June/2021 ah buhfai a thlawnin sem leh tur niin, DCSO Lawngtlai hnuaiah hian May thla chhung hian 2425.15 Qntls a thlawnin sem leh mek a ni.
AAY leh PHH member ten mi pakhat zelah kg 5 zelin a thlawnin an dawng mek a ni.
Tunah hian Epos machine hmangin Online chauhin buhfai hi pek chhuah theih a ni.
Supply Department hian a taka buhfai kan kal kualtir ang chiah hian Online hmangin kal kualtir vek a ni a. FCI Godown atangin PDC Lawngtlai ah, PDC Lawngtlai atangin Godown hrang hrangah, Godown atangin Retailer ah, Retailer te atangin mipuite hnenah a tak ang chiahin Online in kal kualtir a ni.
A tawpa awm retailer te hian Online-a buhfai kan thawn chu an ePoS machinah lo dawngin, an khawl hmangin buhfai an sem thin a. Mipuite’n kut zungthla nem hmangin buhfai an la thei dawn a ni.
Lawngtlai District ah hian internet signal kan nei chhe hle a, online hmanga buhfai sem hi Retailer tam takin an ti thei lo a, tunah hian veng tam takah chuan buhfai awm mahse online a sem a ngaih avangin buhfai hi an sem thei lo thung a ni.
Post a Comment