Thenawm ram Bangladesh chuan June 13 ah zirna
in primary, secondary leh higher secondary school te chu Covid-19 dinhmun a
ziaawm lam zel a nih chuan hawn a nih tur thu an sawi.
Bangladesh ah hian Covid-19 hmuh chhuah hmasak
ber thla nikum March thla atang khan zirna in zawng zawng khar a lo ni tawh a,
thlaleh June 12 thleng hi zirna in khar rih tura thupek an chhuah hun a ni.
Bangladesh Education Minister Dr. Dipu Moni
chuan, zirna in hawn a nih chuan kar khatah ni 6 chhung class kalpui leh tur a
ni ang a, SSC leh HSC exam pawh neih a ni ang a ti.
Bangladesh ah hian nimin khan COVID-19 avangin mi 17 an thi a, case thar
1,497 thar hmuh chhuah a ni. Heti hian ram chhunga Covid-19 avanga thi zawng
zawng chu 12,458 an ni tawh a, a vei hmuh chhuah tawh zawng zawng chu nuai 7.93
an ni.
Post a Comment