Medical Operational Team on Covid 19 Aizawl Municipal Corporation huam chhung chu khauh taka total lockdown kalpui chhunzawm a tulah an la ngai.
Medical Operational Team hi an Chairman Dr ZR Thiamsanga hova thukhawmin Mizorama hri leng dinhmun an thlirin Aizawl chhungah hri inkaidarh a la nasat avangin AMC area-ah chuan inkharkhip hi la kalpui chhunzawm zel tulah an ngai a, hri kai tam zualna vengah te phei chuan khauh lehzuala kalpui a tul nia ngaiin rawtna hrang hrang an duang a, chung an rawtna chu sorkarah an thlen dawn a ni.
Dr ZR Thiamsanga chuan, hri kai hmuh chhuah tam chho zel mah se, total lockdown kalpui hian awmzia a nei nia an ngaih thu a sawi a, "lockdown hi kalpui lo ila chuan kan dinhmun hi a chhe zawk hle ang tih a rinawm a, lockdown hian awmzia a nei chho viauah kan ngai a, tun dinhmunah hri kaina chhui ngai pawh an tlem viau tawh a ni" a ti.
Post a Comment