VLTF LAWNGTLAI VENGPUI HRIATTIRNA

 VLTF LAWNGTLAI VENGPUI HRIATTIRNA

_Dated Lawngtlai the 20th April 2021_

Inkaihhruaina thar zawm tura ngenna.

Covid-19 hri vei kan pun leh avanga Sawrkarin Inkaihhruaina dan thar a siam angin VLTF Lawngtlai Vengpui chuan Inkaihhruaina Dan thar (April 20 - 26, 2021) kenkawh dan tur chungchangah hetiang hian ruahmanna a siam a, hei hi vengchhung mipuite'n zawm ṭheuh turin kan inngen a ni. 

1) Hemi hunchhung hian tumahin mahni In/Compound chhuahsan phal a ni lo. Hei hian VLTF Duty, vengchhung aṭanga Police, Excise, PHE, P&E, Hospital leh Kohhran Office-a thawkte a huam lovang. 

2) Futsal Court/Badminton/Field/Mual/School tlâng leh hmundanga inkhelh khap a ni a. Puipunna lam programme hrang hrang - Inkhawm, Birthday lawm, lungphun, infiam (Sports) etc. pawh hman phal loh a ni. 

3) Vengchhung leh pawnah Private leh Commercial vehicle - Taxi/Auto/909 etc. veivah phal a ni lo a. VLTF Duty, Police, Damdawi in motor, Sawrkar hnathawhna avanga ken ngai te leh VLTF te'n phalna a pekte a huam lovang. 

4) Vengchhungah dawr hawn  leh chawhmeh zawrh (vengchhung mi tán vengchhungah chauh) phal a ni a. Amaherawhchu Heng phalsakte hi tlai dár 5 thleng bâk phal loh a ni. 

5) Damdawi In, damdawi dawr, Bank, ATM, Courier, Petrol pump, LPG, Retailer etc. te hawn reng an nih dâwn avangin leh State pawn aṭanga bungraw phurh luh phal reng a nih avangin ei leh barah harsatna awm lo turah ngaih a ni a, mipuite mangang lo ila.

6) Mizoram chhungah zin veivah phal a ni a, zin turte'n VLTF-te hnenah zin phalna lâk tur a ni.

7) Mi 5 aia tam lova hnathawh - In sak, Lo/Huana kal/feh phal a ni a, amaherawhchu hnathawk turin ram/vengchhunga awmsa te chauh rawih tur a ni. 

8) Mitthi in leh Inneihnaah mi 30 aia tam tel phal a ni lo.

9) State pawn leh Lawngtlai khawthlang lam aṭanga rawn haw turte'n VLTF-ah hriattir hmasak tur a ni.

10) Veng pawn aṭanga thil ṭul leh pawimawh ni lova vengchhunga rawn len mai mai a rem lova, vengchhung mipuite pawh ṭul lovah chuan vengdanga chhuak lo turin kan inngen a ni.

11) Damlo inentir tur, Bazar tur, Bank kal tur etc. tán VLTF-in phalna a pe kher dâwn rih lo a, amaherawhchu ṭul tawpkhawk lovah chuan chhuak lo turin mipuite kan inngen a. Loh theih lohna avanga chhuak turte pawhin Mask vuah leh Social Distancing ngai pawimawh turin kan inngen a ni.