Vawiin Ni 28.4.2021 hian Thalai Kristian Pawl, Bethel Unit te chuan LATKP Blood Donation Calendar siam bawhzuiin Blood donation camp neiin thisen Unit 11 an pe. Thisen petu te hi Mipa 9 leh Hmeichhia 2 an ni. District hospital, Lawngtlai Blood bank a thawk ten thisen hi an lak sak ani
TKP Bethel Unit ten Blood donation Camp an neihna ah hian Association For Voluntary Blood, Lawngtlai District President Elvis Lalthangzuala'n a telpui a. Lawngtlai District hi thisen pek kawngah kan tla hniam hle mai a. Covid-19 hri leng avangin duh ang pawhin thisen pek runpui a buatsaih theih loh va. Chutiang karah chuan TKP Bethel Unit ten Blood donation camp an buatsaih thei chu lawmawm a tih thu a sawi a. Krista leh Kohhran tan tih thutiam nei tu te hian Kohhran programme pawna kan rawngbawlna langsar tak pakhat thisen pek a rawngbawlna hi kan chhunzawm zel a ngai ani, a ti a. LATKP in Blood donation calendar a buatsaih bak piah lama mahni Unit pawhin blood donation camp kan huaihawt fo hi a pawimawh tak zet a ni, a ti bawk a. TKP member te chu nun uluk taka vawng a, midangte tana malsawmna ni zel tur leh mahni dinhmun in hriat chianna atan thisen pe fo thin turin a chah bawk ani.
AVBD President Pu Elvis Lalthangzuala chuan, May 1 atangin Covid-19 hri danna pek chhuah tur a ni a. He hri danna la ten Ni 60 a ral hma chu thisen an pek theih dawn loh avangin, Covid-19 hri danna lak hma a thisen pe theuh turin Thalaite a sawm bawk ani.
Post a Comment