Lai Autonomous District Council Executive Meeting vawi 4-na chu Ni 27.April,2021 khan Chief Executive Member Pu Manghmunga Chinzah kaihhruaina hnuaiah CEM Conference Hall ah neih a ni.
He meeting ah hian Lairam leh Hnam tana thil pawimawh tak tak sawiho a ni a. Chung zinga an hmalakna tur langsar zualte chu :.
1. Lai Autonomous District Council hnuaia thawk, aikal late chungchang rel a ni a. Lai Autonomous District Council hnuaia hnathawktu thenkhat ten loh theih lohna avangin aikal an chhawr a tul thin a. Aikal lak avanga sawrkar hna kal lai, a bik takin School leh Zirna In a tawrh lohna turin mumal zawka kalpui nise, an ti a. Hemi chungchang hi zirchianna neih hmasak nise,chutianga zirchiang a, ruahmanna lo siam turin mi pali ruat an ni a. Chungte chu : Pu T.Lalengmuana EM (LAD), Pu Sanghuliana Mualchin, EM Education (P/s), Pu V.Zathanga, EM Education (M/S) leh Pu H.Lalmuansanga, Adviser to CEM te an ni.
2. Service extention chungchang : Service extension chungchang hian nghawng tha lo tam tak a neih thin avangin, Lai Autonomous District Council-a Officers leh Staff te service chu pawhsei (extend) sak tawh loh nise tiin an rel bawk ani.
3.Lai Autonomous District Council Area a Zirna In hrang hrang ah zirtirtu in daihlohna a tam hle a. School thenkhat ah erawh zirtirtu tam tak an awm bawk a. Education Department hnuaia zirtirtute sem rual chungchang ah hmalak nise tiin an rel bawk.
4. Lai Autonomous District Council inrelbawlna a lo that a, a felfai zawk theih nan Executive Member leh Office holder zawng zawng ten mahni department chan theuh te uluk taka vil in, khawng taka hmalak nise tih te an rel ani.
Post a Comment