Nimin khan 26-Serchhip (ST) Assembly Constituency bye election pawh tluang taka neih a ni a. Polling station 29 ah mipuite'n vote thlak in zing dar 7 atanga zan dar 7 thleng vote hi thlak a ni. District Election Officer in a puan danin vote tla zawng zawng hi 16,355 a ni a, heng zing ah hian postal ballot erawh a tel lo thung a. Serchhip Assembly Constituency ah hian vote 19,520 a awm a.Vote tla awm zawng zawng atangin 83.8% vote a tla a ni.
Election Commission of India chuan he constituency a vote nei Covid-19 damlo an awm chuan vote thlak a remtih sak a. Serchhip Assembly Constituency a Covid-19 damlo enkawl mek pali (4) te chuan vote thlak loh mai an duh avangin vote thlak an awm lo a ni.
Polling station 29 zing ah Neihloh Polling station ah vote 93.4 tla in a tla tha ber a. 78.1% vote tlakna polling stations Serchhip XII chu vote tlak tlemna ber ani thung.
Nizan vek khan Polling Station hrang hrang a EVM,VVPAT leh bungraw pawimawh dangte chu venhimna tha tak hnuaiah Presiding Officer ten strong room ah dahlut in CCTV tha tak hmanga vil a ni bawk.
Tun tum 26-Serchhip (ST) Assembly Constituency Bye Election ah hian Political party panga ten candidate an nei a. MNF party - Vanlalzawma, ZPM - Lalduhoma,INC - PC.Laltlansanga, BJP - Lalhriatrenga Chhangte leh PC party atangin Vanlalruata te an ni. An zing ah hian Pu Vanlalzawma leh Pu Lalduhoma te hi MP leh MLA lo ni tawh te an ni a. Mi dang erawh hi chuan ram rorelna dawhkan la kil lo te an ni.
Serchhip Bye Election a vote tla te hi May 26,2021 Pathianni ah chhiar a ni ang.
Post a Comment