A sang pali zingah English club pahnih
Nizan hmasa khan Champions League thawhnihna khelh a ni a, EPL hmahruai mektu Manchester City-in Bundesliga club hrawl Borussia Dortmund chu 2-1 a hnehin, first leg-a an goal belhkhawm nen 4-2 a ni. Inkhel dangah Champions League champion ngun ber Real Madrid leh nikum lama Champion Liverpool chu goal inpe lovin an in hnehtawk a, first leg-ah Real hian Liverpool hi 3-1 a an lo hneh tawh avangin Real Madrid hi semi-final khel turin an inpetkai.
Borussia Dortmund hian Signal Iduna Park-ah ELP hmahruaitu Manchester City hi an lo mikhual a, first leg-ah 1-2 a an lo tlawm tawh avangin an mualah hian chak an tum hle. Dortmund hian City hi an nawr nghal hle a, 7 mins lekah Dortmund midfielder Dahoud chuan Ederson a ti mangang hman a, goal a lut lo hlauh. 15 mins ah goal a lut ta a, Dortmund tan English midfielder Jude Bellingham chuan class zetin goal a khung, Away goal an neih avangin Dortmund dinhmun a tha hle. City lamin nawr chhunzawmin De Bruyne leh Foden te an hnawk hle a, mins 52 ah Emre Can a hanball a, VAR hmanga endik a nih hnuah City penalty pek a ni a, penalty hi Ryad Mahrez chuan a pet goal.
Tunlaia rawlthar player hrohrang na ber Erling Haaland pawhin chance a nei a, mahse Dias leh Stone-te chet that zan a nih tlat avangin goal a thun thei bik lo. Mins 75-naah an dinhmun sawhngheh nan Bernardo Silva siamsak chu Phil Foden chuan goal-ah a chan tir a, 2-1 in City hi an chak ta a ni. City hian Semi-Final-ah Chelsea an hmachhawn ang.
Inkhel dangah goal 3 phursa nikum champion lai Liverpool chuan Real Madrid an lo mikhual a, goal in pe lovin an tin a, first leg-ah Real hi goal 3-1 a an chak tawh avangin semi-final khel turin an inpet tling.
Goal 3 phursa nimahse Liverpool hian chak ngei an tum a, tlar hmaah mane, Firmino leh Salah te an awm a, a laiah Wijnaldum, Fabinho leh Milner te an awm a, tlarhnungah assist thiam hmingthang Arnold leh Robertson te an awm bawk.
Real lamah first leg-a goal hnih khungtu Vinicius Junior, Benzema leh Asensio te an awm a, Ramos chu Covid-19 avangin a khel thei lo bawk. Liverpool hian shot vawi 15 zet an nei a, chance pawh vawi 14 zet an insiam hman. An vanneih zan chu nise goal 3/4 tal chu thu ngei tur an ni.
Tihian Real Madrid hian semi-final-ah French champiom PSG an tum ang.
Post a Comment