Nimin khan Lai Autonomous District Council aChief Executive Member Pu Manghmunga Chinzah chuan, Mizoram Larsap Pu P.S Sreedharan Pillai chu a chenna Raj Bhavan-ah a kawm.
Pu Manghmunga Chinzah chuan, Lai Autonomous District Council dinhmun hrang hrang leh harsatna-te chipchiar takin a sawipui a. CEM hian LADC dinhmun leh mamawh a bik takin Dan Sixth Schedule leh CCB etc Rules chungchang ah ADC te tana tha tur leh tul ni a a hriat te a thlen a, Mizoram governor poh in tha taka lo dawngsawngin CEM thil sawite chu a ngaih pawimawh thu leh Dan chhungah zel ti theih a nih chuan hma a lak dak tur thu a hrilh a. Larsap hian a tul chuan Council of Minister-te pawh lo rawn a tum thu CEM hi a lo hrilh a.CEM hian Mizoram Larsap Pu P.S Sreedharan Pillai hi Lai Shawl a present bawk a ni.
Pu Manghmunga Chinzah hian Aizawl a cham chhung hian Mizoram Chief Minister Pu Zoramthanga, Dy.Chief Minister Pu Tawnluia leh Minister hrang hrangte a dawr a. CEM hianState sorkar hotute hnenah Lairam mamawh hrang hrangtea thlen bawk a ni. State sorkar lama hotute pawhin a tul anga anga hmalak pui an lo tum thu an lo hrilh a ni.
CEM hi Pu C.Lallianzuala, EM i/c Forest Dept.etc leh Official pawimawh ten an tawiawm a, ruahman dan chuan CEM hi Inrinni ah Lawngtlai a lo let leh ang.
Post a Comment