Pu. BN Thangpuia Deputy Chairman LADC chuan, tun hnaia kangmei nasa tak tuar Bungtlang South khuate tlawhin țanpuina pawisa fai a hlan hlawm.
He hun hi Bungtlang South YLA Secretary Pu. Lalvenhima Mualchina in kaihruaiin, kangmei an tawrh dan report a pe a, report pek a nih hnuah Pu. BN Thangpuia Deputy Chairman LADC hnen ațangin thu tawi sawina ngaihtlak a ni.
Pu. Bn Thangpuia chuan, " Ka khawhlui Bungtlang South khua ten kangmei nasa tak in tuar tih ka hriatin pawi ka tiin, ka lainat tak zet che u a, a hmalama ka rawn lang hman lo erawh in mi hriatthiamna ka dil a ni. He Kangmei chhuak avanga in leh lo chan zawng zawng te, thinlung takin ka tawrhpui che u a, in tan tih theih ka neihna zawnah chuan, theihtawp ka chhuahpui zel dawn che u a, chuvangin inthlahrung lova, in harsatna te pawh min hrilh zel turin ka chah duh che u a ni" a ti.
Pu. BN Thangpui hian, thusawina a neih zawh hnuah, kangmei tuarte țanpui nan Rs. 24,000 leh hnatlang thawk te thingpui lum nan Rs. 2000 a hlan hlawm.
Post a Comment