Office of the Electric veng Congress Unit Committee
Lunglei: District
P R E S S R E L E A S E Dt 22.4.2021
“HPC Vice Chairman ngawi reng kan nei hi Lunglei ran vulhtu te tan a vanduaithlak takzet a ni”
Vawk natna hri hlauhawm leh tihbaiawm tak African Swine Fever(ASF) chuan Lunglei khawpui min chenchilh ta a, Lunglei khawpui a a lo luh hma in Lungsen khuaah nasa takin an tuar a, ran vulhtu te namen lovin an mangang a,COVID-19 hri enna khawl RT-PCR khawl pek a hmang duh chuang lo Sorkar hrawn kan nih miau avangin thinphu dep dep in Lunglei mipui pawhin he vawk natna hri hi kan lo thlir a nih kha.
Kan hlauh ang ngei in Electric veng, Lunglei East bial chhung leh HPC Vice Chairman Pu Lawmawma Tochhawng bial ngeiah Dt 8.4.2021 khan vawk a thi ve ta a, 18th April 2021 khan khawtlang hruaitu te phei chuan Vawk hri leng ASF chungchangah Jt.Meeting hial neiin an buai takzet a ni. Vawk hi 56 zet an an thi tawh a ni. Vawk vulhtu te leh khawtlang a rum takzet a, chhungkaw tamtak eizawnna in a tuar nghal a, beidawng leh mangang in an in dawm kun tlawk tlawk tawh a ni. Vawk phum in zan pawh sawi lovin VC leh YMA te an buai reng a, Mizoram Sorkar phei chuan ASF hri irhchhuahna Epicentre a puan tlemte zingah HPC V/C bial chhung a mi chu telh kan ni ta !!.
Hetianga khawtlang a mangan a, a rum tak meuh lai hian bialtu MLA a ngawi tlat leh a biru tlat hi Electric veng Congress Unit chuan mak a tiin hriatthiam har a ti takzet a, phutchhuah kher ngai lovin a bial chhung mite manganna leh tahna rum hi hnem tur in a penchhuak thei lovem ni tih hi kan zawhna a ni . Lungsenah chuan bialtu MLA eptu lehnghal Pu Zodintluanga chuan a phak ang tawk a ngaihtuahin a vil a, kan bialtu MLA Pu Lawmawma Tochhawng erawh a reh tlawk tlawk a, bialtu MLA ngawi reng kan nei hi Lunglei a ran vulhtu te tan a vanduaithlak takzet tih hi kan ngaihdan a ni.
Issued by the Electric veng Congress Unit Committee Lunglei
Post a Comment