United Nations chuan Myanmar ramah buaina a chhuah avangin mipuiten eitur an tlachham tan niin an tarlang.
World Food Programme (WEP)-in zirbingna an neihnaa a lan danin mipui maktaduai 3 chuangte chuan tun atanga thla 3 atanga thla 6 inkarah ei leh bar kawngah harsatna namen lo an tawk dawn niin an tarlang a. A nghawng nasat zual tur chu khawpui chhunga chengte an ni tiin an tarlang a. Mi tam takin hnathawh tur an neih loh avang leh ei leh in man a to zel vang niin an chhut.
WEP chuan buh leh eirawngbawlna tel chu February thla tawp lam atang khan zaa 5 atangin zaa 18 laiin an to tan der tawh a. Yangon khawpuia sumdawnna hmun liana chengte chuan inrenna atan ei leh inah an insum nasa hle a, chaw tha ei tur an tlachham mek niin an tarlang bawk.
Mi maktaduai 3.3 hnena WEP-in tanpuina an pek thin chu a let thuma tih tam an tum mek a, US dollar maktaduai 106 lai an mamawh dawn niin an sawi. Ram buai hian bank-a sum chevel tur a tihkhaihlak a, sumdawnna kawngah mi tam tak an talbuai phah mak bakah mamawha hman tur pawisa lakchhuah pawh a theih tawh loh hial a ni. Mi tam tak chu an ram thenawma chhung leh khatte thil thawnah an innghat tawh a. Ramdang atanga bungrua lakluh leh thawhchhuah tihtawp vel ani tawh a, factory-te pawh khar vek an ni tawh bawk.
Post a Comment