Sorkar laipui chuan ram chhunga hri leng dinhmun thlirin, pawn chhuahna chauh ni lo, in chhungah pawh mask vuah a hun ta niin a sawi.
Mipuite chu inchhungah awmkhawm chuan mask vuah tura ngenin, a ṭul tawp a nih loh chuan inleng neih leh, mi ina leng lo turin a ti bawk.
NITI Aayog member Dr VK Pual chuan, "In chhungah, mi dang nena kan awm phei chuan mask vuah hi a hun tawh a ni," tiin chhungkuaah Covid-19 kai mai hlauhawm, enfiah tura khung hran mek an awm phei chuan in chhungah mask chu vuah ngei ngei a ṭul a ni, a ti.
Dr Paul chuan India ram dinhmun tawn mekah mask vuah ṭhat chu thil ṭul leh pawimawh a ni tiin, ṭul loah pawn chhuak lo turin mipuite a ngen. Chhungkuaa awm ho tura ngenin, in chhunga leng turin tumah sawm lo turin a chah bawk.
Sorkar chuan mask vuah ṭhat loh leh physical distancing zawm loh hian hri kai theihna hi 90% velin a tipung niin a sawi. Hei hi zirchianna pawh a lo nei tawh bawk a ni.
👍
ReplyDelete