No.G.17011/14/2016-F.APF
GOVERNMENT OF MIZORAM
FINANCE DEPARTMENT
APF BRANCH
NOTIFICATION
Dated Aizawl, the 23rd April, 2021.
In pursuance of the decision of the Council of Ministers in its meeting on 6.4.2021 under Agenda Item No.9, the Competent Authority is pleased to notify a scheme for Ex-Gratia payment of Rs.20 Lakh to VLTF/LLTF volunteers for loss of life due to COVID-19 as follows:
1. Scheme hming: Local Level Task Force leh Village Level Task Force Member/Volunteer, an duty laia COVID-19 natna veia boralte luman pek theihna Ex-Gratia Lump Sum Compensation Scheme (LLTF/VLTF COVID-19 SCHEME) a ni.
2. A tum ber: He ruahmanna hi Local Level Task Force leh Village Level Task Force memberte, Central Sawrkarin PMGKP hnuaia Insurance Package a siamin a huam ve loh te leh Mizoram Sawrkarin a hnathawkte puala Ex-Gratia Lumpsum Compensation Scheme, Finance Department OM No. G.1901123/2019-F.APF ni 28.5.2020 hmanga ruahmanna a siam hmang ve thei lote’n COVID-19 dona kawngah thlamuang tak leh ngaihngam zawka COVID-19 do hna an thawh theihna atan tih a ni a. Heng mite zinga COVID-19 an dona lama COVID-19 lo kai palha nunna hial chan an lo awm chuan an chhungte hnenah Rs.Nuai 20 pek tur a ni.
3. A huam chin leh huam loh chin:
3.1. He scheme hian Mizoram Sawrkar Health Department-in LLTF/VLTF member ni tura a tih te bakah LLTF leh VLTF hrang hrang te’n COVID-19 hri an dona kawnga an tha tichak tura member/Volunteer an ruatte a huam tel bawk a, mahse heng memberte zingah hian PMGKP Insurance Package-in a huamte leh sawrkar hnathawk, sawrkar scheme duan OM No. G.1901123/2019-F.APF ni 28.5.2020 hnuaia Ex-Gratia Compensation Rs.20.00 lakh la theite a huam lo thung a ni.
3.2 Duty laia COVID-19 hri kaite chauh a huam avangin LLTF leh VLTF member/Volunteer COVID-19 avanga thi te chu COVID-19 hri chu an duty an thawhna ah an kai a ni tih finfiah an ni tur a ni a, Hei hi Contact Tracing Team ten an siam sak thei ang. Entirnan, COVID-19 chu LLTF/VLTF duty nena inlaichinna nei lo puipunna, picnic na emaw hmun danga an vah chhuahna-a an lo kai palh a nih chuan, hemi ruahmanna hian a huam ve lo ang. Tin, Inneihna leh Mitthi vuina, an veng pawn daiha an kala an kai te pawh a huam lo bawk.
3.3 He scheme hian COVID-19 natna avanga thite chauh a huam avangin LLTF leh VLTF member/volunteer nunna chan ta te chuan COVID-19 hri avanga thi an ni ngei a ni tih finfiahna Laboratory report an thehluh a ngai bawk a ni.
3.4 He ruahmanna hian LLTF emaw VLTF member/volunteer, thil dang avanga nunna chan te a huam lo. COVID-19 hri avanga thite chauh a huam a, damlo enkawlna a huam lo bawk.
4. Inziah luh dan tur:
4.1 Hemi scheme atan hian inziah luh hranpa leh pawisa thawh a ngai lo a, mahni veng chhung theuh a LLTF leh VLTF membera ruatna leh duty tura lehkha siamte chu in ziahluh nan rin nghal tur a ni. VLTF Chairman te chuan an VLTF member te leh volunteer te hming list chu proforma siam angin mahni BDO ah theuh an thehlut ang. BDO tinin an hnuaiah hemi khawihtu tur incharge te an siam ang a, heng incharge te hian data base an access thei ang a, anni kutah hian hming ziahluh leh siamthat te an awm ang a. VLTF member/volunteer te inthlak an awma report a awm veleh an list te an update thin tur a ni. Aizawl Municipal Area ah erawh chuan hemi a inziahluh hi AMC Commissioner kutah dah a ni ang a, ani’n incharge officer siamin data an thunlutin an siam tha thin ang. LLTF tinin AMC Commissioner-ah an member te list an thehlut ang.
4.2 Hetiang a nih avang hian LLTF leh VLTF memberte chuan an memberte nihna leh an duty na tur an siamna thuchhuah (order) chiang takin an siam tur a ni a. He order hi claim siam huna thil pawimawh tak tur a nih avangin uluk taka vawn tur a ni. LLTF/VLTF member te chu an vanduai palha he scheme hnuaia compensation dawngtu tur nomination siam tura hrilh vek bawk tur a ni.
4.3 Para 4.2 ang bawk hian VLTF/LLTF te tha tichak tura inpe volunteer te leh ruat chhuah volunteer te chungah pawh kalpui tur a ni a. Volunteer pawh nise appointment fel tak LLTF Chairman-in a pe ang a, a tihtur (duty) leh a huamchhung (period) te pawh a ziak chiang hle tur a ni.
Para 4.1 ang khian mahni bialtu BDO ah emaw AMC Commissioner-ah emaw hriattirin updated report an pe thin tur ani. 4.4 He data base hi Task Group on Insurance ten an enkawl ang a, Kartin, Thawhtanni apiangin data awm te chu folder hranah Pdf formatin, a ni leh thla fel taka chhinchhiahin an dah tha zel ang a, hei hi nakinah claim check-na atan hman tur a nih avangin uluk taka update thin tur a ni. Tin, he data base te hi DC tinah share a ni ang a, anni’n a tul apiangah an hmang tangkai thei ang.
5. A hun chhung: He ruahmanna hian 1 st April,2021 atanga 30th September, 2021 thleng a huam ang a, sawrkarin tul a tih chuan order chhuahin a pawtsei thei ang.
6. Hemi ruahmanna thuneitu hrang hrang te:
6.1 Claim Certifying Authority:- Deputy Commissioner te chu anmahni bial chhung theuhah Claim Certifying Authority an ni a, dilna a awm reng rengin anni’n a dik leh dik loh an lo certify thin ang.
6.2 Claim Approving Authority:- State Disaster Management Authority, Mizoram Sawrkarin PMGKP Insurance Scheme endik tura State Level Authority atana oder No.B.13021/114/2020-DMR Ni 1.6.2020 hmanga a lo ruat tawh Task Group on Insurance chu rinnghal a ni.
6.3 Claim Disbursing Authority:- Director, Disaster Management and Rehabilitation Department chu pawisa petu/sem chhuaktu tur a ni.
6.4 Sanctioning Authority:- Finance Department (EC), Govt.of Mizoram chu sanction theihna thuneitu a ni.
7. A dil theitute:
7.1 LLTF/VLTF member te chuan, COVID-19 avanga an lo boral palh pawh a a dawng tur dik tak te’n Ex-Gratia Lumpsum Compensation hi an dawn theihnan, mumal taka a dawngtu tur nominee siam tur a ni. Nominee chuan claim a thehlut tur a ni.
7.2 Engemaw avanga nominee siam a lo nih loh chuan a hnuaia tarlan mitthi chhungte hian he scheme hnuaia Ex-Gratia Lumpsum Compensation hi an dil thei ang.
1) Nupui/Pasal nei tawh a nih chuan a boral lai taka a nupuiin emaw a pasalin emaw.
2) Nupui/Pasal la nei lo chu a nu in emaw a pa in emaw.
3) Fa nei tawh, nupui/pasal sun tawh te leh pawmlai nei lote chu an chenpui an fate’n a inzat theuhvin an insem ang. An fate hi naupang an la nih chuan anmahni enkawltu (Guardian) ten heng an fate hming hian an dil thei ang.
4) Fa la nei lo te, nu leh pa nei tawh si lo te chu an chenpui emaw anmahni enkawltute emawin.
8. A dil dan leh pekchhuah dan:
8.1 A diltu tur LLTF/VLTF member nunna chan ta, Clause 7-na in a sawi anga nominee emaw an chhungte emaw chuan a dilna form hmingin an dil tur a ni. Dilna form tawpa thil tel ngai tarlante kimtakin an thil tel tur a ni.
8.2 A dilna kimchang chu State Level Authority (Task Group on Insurance) ah an thehlut ang a, anni’n uluk takin an lo enfiah ang.
8.3 A dilna chu pawm tlaka ngaih anih chuan State Level Authority te chuan Director, DM&R Department ah an thawn ang a.
8.4 Director, DM&R chuan sum dilna leh hman phalna Finance Department ah dan ang thlapin a dil leh ang.
8.5 Sum hman phalna pek a nih hnuah chuan Director, DM&R (Disbursing Authority) chuan a diltu account-ah compensation sum chu a thunsak ang a, AC Payee Cheque hmang pawhin a pe thei bawk ang.
9. Case tih tawp chungchang: LLTF/VLTF member COVID-19 avanga nunna chan puala compensation chu a diltuin a dawn fel tawh chuan a case chu tihfel (settled) anga ngaih a ni ang a, tihtawp (closed) a ni nghal ang. Hemi hnu hi chuan sorkar in emaw, authority hrang hrangin emaw mawhphurhna an nei tawh lovang.
Sd/- LALTHANSANGA
Secretary to the Govt.of Mizoram
Finance Department.
Post a Comment