Vawiin Ni 28.April,2021 hian Eletric Veng Branch YLA te chuan Bungtlang South a kangmei tuarte tanpuina hlan turin Branch YLA President C.Laltleiliana hovin an fehchhuak a. An Veng VCP Pu V.Lalramnghaka pawhin YLA hruaitute hi a tawiawm ani.
Pu C.Laltleiliana chuan, Bungtlang South khawtlang in kangmei an tawrh na chu Electric Veng mipuite an tawrhpui thu a sawi a. Electric Branch YLA chuan vengchhung mipuite hnenah vehbur te khawn sak thu a sawi lang bawk a. Lawngtlai District chhungah kumin hian kangmei kan tuar nasa hle mai. Hetianga chhiatna a lo thlen hian YLA kan nihna atangin kan in tawrhpui a, kangmei laka mahni khawtlang chhanhimna kawnga YLA te hian theihtawp I chhuah zel ang u, a ti bawk.
Pu V.Lalramnghaka, VCP Electric Veng chuan, Lawngtlai District hmun hrang hrang ah kangmei chhuakin khawtlang min tibuai a. VC leh YLA te pawh zan mut mu pawh tuah lovin kang thelhin kan buai a. A bik takin YLA member te chu kan hah hle a. Kangmei laka kan him theihna nasa zawka tan kan lak a ngai hle a. Khawtlang mipuite kan fimkhur tlan a ngai hle a ni, a ti bawk. Tun ah hian sorkar lam pawhin nasa takin kangmei thelhmih anih theihnan tan an la a, keini khawtlang neitute pawh hian sorkar tha taka kan lo tawiawm hi kan tih tur ah I ngai theuh ang u, a ti bawk.
Electric Branch YLA te hian Bungtlang South a kangmei tuartute tanpuina atan hian Alu bag 1, Tel 15 packs, Dal bag 1, Buhfai bag 3 leh sumfai Rs 40,000/- an hlan a. Branch hrang hrang kangthelh mekte tanpuina tur atan CYLA kaltlangin Rs 5,000/- an pe bawk ani.
Post a Comment