Egypt rama North Cairo-a Toukh khawpui bulah nimin khan rel a chesual a, mi 11 in nunna an chan a, mi 98 an hliam niin Egypt Health Ministry-in a puang.
A kawng atanga a ke a tlengchhuahv avanga relin tawhsual tawhna hmunah hian chhanchhuah hna thawk turin Health Ministry hian ambulance motor 50 rual an tir nghal a ni.
Cairo atanga Mansoura pan tur rel chetsual dan hi chhuichian mek a ni a. Passenger train No.949/3209, Cairo atanga Mansoura pan tura tlan chu nimin dar 01:54 pm khan car pali (4) chuan rel a kawng a zawh laiin a ke a tlengchhuak palh, niin Egyptian Railway thuneitute chuan an sawi a ni.
Hei hi Egypt ramah tunhnaia thlakhat chhunga rel chetsual laintham a thlen tum 3-na a ni ta a. Thla hmasa khan Tahta District-ah rel pahnih insu vangin mi 32 in nunna an lo chan tawh a, mi 165 dawn in hliam an tawrh phah a ni.
Post a Comment