Sorkar laipui chuan May ni 1 atangin Kum 18 chin chunglam hnenah vaccine pekchhuah anih tur thu a puang.
India rama Covid-19 hripui invenna vaccine pekchhuah runpui neih mekah a thawhthumna chu Kumin May ni 1 atanga neih tan tur a ni a. Puitling chin a duh apiangte hnenah vaccine hi pekchhuah a ni ang.
Vawiina Prime Minister Narendra Modi hova meeting neihna ah vaccine pekchhuah dan tur hi an rel a. Hetah hian India rama doctor thiam rualte leh damdawi siamchhuaktu company-te an tel a ni.
Covid-19 vaccine siamtu company-te chuan an siamchhuah zaa 50 chu sorkar laipui hnenah an anga, a bak zaa 50 dang chu state sorkar hnenah a rualkhai thei ang berin an hralhchhuak thei ang.
Vaccine siamchhuaktute pawhin tuna an siamchhuah zat aia tam siamchhuak turin hma an la dawn bawk a ni.
Vaccine pekchhuah dan hi a hma ang thova kalpui tur a ni dawn a. Sorkar atanga laten a thlawnin an la dawng dawn tho a. Health care worker, Front line worker leh Kum 45 chin chunglamten a thlawnin an la dawng chhunzawm zel dawn tho a ni.
Post a Comment