Kumin hi Mizoram khaw hrang hrang te kum dang zawng aiin tui ah kan harsa tlang hlawm hle mai. Mizoram a kan khawpui ber Aizawl-ah pawh tui harsatna chu an nitin titi a ni ta deuh ber a. Sorkar pawhin dem a hlawh tan ta hle a ni.
Lawngtlai ah pawh kum dang zawng aiin tui lamah kan harsa emaw tih theih tur khawpin, tui phur motor te an hlawk hle a. An awl hman meuh lo a ni. Tui kan harsatna hian sorkar mawhpuh tur nge ni ang a, mipuite hi a mawhphurtu kan ni tih pawh hi sawi tham fe a ni mai thei.
Tui hi mitin mamawh a ni a, a tel lovin kan awm thei lo. Mi thiamte chuan chaw ei lova awm aiin tui tel lova awm hian nunna in a tuar lo hma zawk an ti \hin a, hei hian tui pawimawh zia a tarlang chiang hle awm e. Mihring te chauh ni lovin kan ran vulhte leh kan huan thlai thleng hian tui tel lo chuan kan awm thei lova, tui kan mamawhna hi a sang hle a ni.
Tui hi mihringte hian kan siam theih a ni lova. Kan thing leh mau kan tichereu zo a, hei hian tui hna a ti kang chat a, duh ang tawk tui lak tur a awm loh phah a ni. Chuvangin, kan ram ngawte hi vat chereu lova, kan humhalh thiam a ngai hle a ni. Kum tin thing kan phun a, heng kan thingphun te enkawl kawngah pawh kan tan lak ho a ngai a. Tuikhur hnar ah te, lui hnar ah te thingphun kan uar zual sauh sauh a ngai a ni. Mihring kan pung chak a, chuvangin kan nitin mamawh tui hi kan ren thiam a ngai a, rui tui khawlna thatna pawh kan neih a ngai hle a ni.
Post a Comment