Covid-19 hri leng avangin mitin mai kan buai a. Sorkar in dan a siam te mipuiin an zawm leh zawm loh ngaihven in Veng tin ah VLTF te nena tangkawpin Executive Duty siam a ni a. Heng duty te inpekna zarah mipui vak chhuak pawh kan tlem viau niin a lang. Chuvangin,sorkar in duty tura a ruat te hi inthlahdah hauh lova, duty an kalpui anih chuan Covid-19 lakah harsatna lian tham tawk lovin hun kan hmang thei ngeiin a rinawm.
Tin, sorkar in Executive duty tura a tih te hian hotute hlauh avang ringawt in duty hi kalpui lo se. Covid-19 laka mipuite kan him theihna tura hnathawktu an nihna hre reng chungin duty hi kalpui se. Chutiang bawkin mipuite pawhin kan him theihna tura hnathawktu te an ni tih hria a, an thu kan zawm pawh hi kan tih ve turah kan ngaih ava tha em.
Tun hrileng hi kum kalta ai khan inkaichhawn dan pawh a awlsam zawk tlat avangin kan fimkhur tlan a ngai hle a. Duty te pawh mipuite zirtirtu tur an ni a, hmaituamna te vuah lova lo duty mai mai te hi chin loh tur ani.
Midangte an him theihna tura hnathawktute hian kan himna tur kan ngaihtuah tel a ngai fo thin. Social Distancing maintain lova, duty te lo thut khawm thin viau te pawh a mawi ber lovang. Mipuite himna tura hna kan thawhna kawngah hian sorkar thupek zawm tura mipuite zirtirtu kan nih hi kan hriat reng fo a tha hle mai.““Duty I hlauh avang ringawtin hmaituamna vuah lo la, pawisa chawi tur I neih loh avang ringawtin pawn chhuak lo la, nang leh I chhungte an hri laka an himna tur anih avang zawk chauh sorkar thupek zawm ang che.
Post a Comment