Mizoram-ah Covid-19 hri danna dose 1,91,120 pek chhuah a ni tawh a, sorkarin hri danna dose 81,870 a kawl mek.
Prime Minister-in hripui kai darh thar leh mekah invenna pek chak zawka kalpui tura ngen anih angin Mizoramah pawh hri danna pek hi chak taka kalpui a ni a, ni khat ah dose 13,000 vel zel pek chhuah thin a ni.
Nikhata hri danna dose 13,000 vel zel pek chuah thin anih avangin tuna sorkar-in a kawl mek hri danna dose 81,870 hi ni sarih daih chauh a ni tawh a. Hemi avang hian Health Minister-in Union Health Minister hnenah hri danna a dil belh a ni.
Health Minister Dr.R.Lalthangliana chuan vawiina Union Health Minister Dr.Harsh Vardhan chu lehkha thawnin, Mizoram sorkar-in hri danna a kawl mek chungchangte hrilhin, hri danna chu chat lak lo leh chak zawka pek chhunzawm anih theih nan a rang lama hri danna thawn leh turin a ngen a. Dr.Thangtea chuan, “Chat lak awm lo leh chak zawka hri danna pek chhunzawm zel anih theih chuan Covid-19 vaccine pakhat zawk, Covishield chu a rang thei anga dose nuai hnih tal min rawn thawn leh turin kan ngen a che,” a ti.
Post a Comment