Vawiin April Ni 24,2021 (inrinni) hian Chief Justice of India 48-na ni turin Justice Nuthalapati Venkata Ramana lakluh a ni. Prime Minister Narendra Modi, Vice-President Venkaiah Naidu leh mi pawimawh dangte pawh an tel.
Chief Justice of India hi President Ram Nath Kovindh chuan Rashtrapati Bhavan-ah tukin dar 11:00 Am khan Justice Ramana chu chhechhama intiamtirin a lalut ta a ni.
Justice Ramana hi August ni 27,1957 khan Andhra Pradesh a Krishna District-a Ponnavaram thingtlang-ah a piang a. Ni 10 February, 1983 khan Justice Ramana hi Advocate atana thun a ni.
June ni 27,2000 kum khan Andhra Pradesh High Court Judge nghet ni tura ruat a ni a. March ni 10 atanga May ni 20,2013 thleng khan Andhra Pradesh High Court acting Chief Justice alo ni tawh bawk a. Hemi kum vek September ni 2, 2013 khan Delhi High Court Chief Justice ni turin a kaisang a. February ni 17,2014 khan Supreme Court Judge ni tura ruat a ni.
Justice Ramana hi Chief Justice of India 47-na Justice Sharad Arvind Bobde ai a awh ve thung dawn a. Justice Bobde hian Ramana hi a aiawh turin a lo rawt tawh a. April ni 6,2021 khan President hian Justice Ramana chu CJI thar tura ruat anih tur thu alo puang lailawk tawh nghe nghe a ni.
Chief Justice of India 48-na Justice Ramana hian August ni 26,2022 thleng a office thar hi a luahlum dawn a ni.
 |
| 48- CJI : Justice Nuthalapati Venkata Ramana |
 |
| 47- CJI : Justice Sharad Arvind Bobde |
Post a Comment