LADC Emergency Session neih chhunzawm a ni

July 11, 2024 (Rauthla) : Ninga chhung awh tur LADC Emergency Session chu vawiin khan a ni lina atan LADC chairman Pu VL. Hmuaka kaihhruaina hnuaiah chhunzawm a ni a, July 8, 2024 a CEM Pu C. Lalmuanthanga a pharh tak LADC budget (2024-2025) chu member ten an sawiho.

Business a a lan angin, LADC budget 2024-2025 Discussion neih hun a nih angin, budget sawihona dar 10:30am - dar 1:00pm thleng hun hman a ni.

Pu C. Lalmuanthanga CEM chuan Budget 2024-2025 chungchanga sawifiah ngai leh sawihoa mumal zawka a kal theihna turin thusawina hun a hmang a, chumi hnuin members engngemaw zatin an sawi a, dar 1:00 Pm ah chawlh a ni.

Pu H. Lalmuansanga, Deputy Chairman LADC kaihhruaina hnuaiah chawhnu dar 2:00pm ah tan leh a ni a, member engngemaw zatin an sawiho hnuin, dar 4:00pm ah tih tawp niin, naktuk Dt. 12.7.2024 chawhma dar 10:30am ah session hi chhunzawm leh tur niin, budget pawh pass tum a ni ang.

Kum 2024-2025 LADC budget estimate :

I. GRANT IN AID (01-GIA & 02-PDRDG TO LADC - Cheng nuai 24,359.21)
1. Salary & Wages - Cheng nuai 20,003.87
2. Pension & Other retirement benefits - Cheng nuai 2,932.45
3. NPS Matching share contribution - Cheng nuai 189.89
4. Other Expenditure (Non-Salary) - Cheng nuai 1,233.00

II. VILLAGE COUNCIL RENUMERATION (MFC GRANT - Cheng nuai 182.50)
1. Salary - Cheng nuai 55.00
2. Non-Salary - Cheng nuai 127.50

III. LOCAL REVENUE COLLECTION - Cheng nuai 350.00

IV. Avaiin cheng nuai 24,891.71