June 18, 2024 (Rauthla) : 12-Lawngtlai Chandmary MDC, By-Election lo awm tur atan Pu C. Lalsawmzuala, MNF leh INC intawm Candidate chuan vawiin dar 12:10pm khan Lawngtlai Deputy Commissioner leh District Election Officer Pu Cheemala Siva Gopal Reddy IAS, hnenah nomination a file.
LADC 12-Lawngtlai Chandmary MDC constituency hi Dr. Lorrain Lalpekliana Chinzah, Adviser to Chief Minister (H&FW & Agri.) MDC bial ni ṭhin in, kum 2023 MLA inthlanah khan Lawngtlai East MLA atana thlan tlin a nih avangin Dr. Lorrain-a chuan MDC a nihna aṭang banna a lo thehluh tawh a. Chandmary MDC bial chu bial ruak, inthlan ṭhat ngai a lo ni ta a ni.
State Election Commission chuan Lawngtlai Chandmary MDC bial by-election hun atan Dt. 27th June, 2024 a lo ruat tawh a. Tun dinhmunah voters 2890 an awm mek a ni.
Post a Comment