Khuallian Pi Malsawmtluangi, MCS, Addl. DC, Lawngtlai chuan WHO bultumin kum 2004 atang khan kum tin June 14 ah World Blood Donor Day chu hman thin a nih thu a sawi a. Thisen pek kawnga inzirtir nan te leh infuihthar nan te leh thisen pe tha chawimawina hun atan te hman thin a nih thu a sawi. Thisen tel lo chuan kan awm awm thei lova, thisen a awm loh chuan kan nunna a tawp tihna a ni a, thisen hi a hlu em em a ni, a ti.
Pi Malsawmtluangi, MCS chuan Kohhran thalai pawl, tlawmngai pawl, School leh mimal anga thisen petute hnenah lawmthu sawiin, anmahni avanga Lawngtlai District chu mawi a nih thin thu leh anmahni avanga thisen mamawhtute pawhin damna an chan thin thu a sawi a. Thisen kan pek thin hi Lawngtlai District mipui chauhin kan chhawr lova, District dang pawhin an chhawr nasa em em a, kan rawngbawlna hi a zau em em a ni, a ti.
Blood Bank, Lawngtlai report-a tarlan a ni danin, kum kal lai mekah Blood Donation Camp vawi 40 neih tawh niin, heta tang hian thisen unit 1062 lak a ni a. Voluntary Donation Camp atanga thisen lak leh mahnia Blood Bank-a kal tena an pek tlingkhawm chu unit 1147 a tling. Hei bakah hian replacement unit 444 a awm bawk. Kum lai chhunga thisen lak hrim hrim hi unit 1591 a ni a, hengah hian natna dang leh thildang avanga hman theih loh a awm nual bawk. Blood Bank, Lawngtlaiin thisen an lak te hi Lawngtlai damdawiin pathum District Hospital, Lawngtlaiah unit 827 pek chhuah a ni a, LCMC ah unit 613 pek chhuah niin, Christian Hospital Lawngtlai ah unit 75 pek chhuah a ni bawk. Thisen lak zingah hian HIV/AIDS vei mi 7 hmuhchhuah niin, Hepatitis C vei mi 27 hmuhchhuah a ni bawk.
Vawiin hun hmannaah hian pawl leh mimal anga thisen pe thate hnenah chawimawina hlan an ni.
Thisen vawi 30 pe chin :
1. H. Lalmuanthanga S/o H. Lianhluta (L), Lawngtlai Vengpui, Lawngtlai, Thisen pek zat : 38
2. N. Rosangliana S/o N. Lalthlanga, Lawngtlai Vengpui, Thisen pek zat : 32
3. Lalbiakmawia S/o Lalramnghaka, Thingkah, Thisen pek zat : 31
4. R. Lalrintluanga S/o R. Rothanga (L), New Vengpui, Thisen pek zat : 35
5. Vanlalhmuaka Bawitlung, Lawngtlai - III, Thisen pek zat : 32
6. H. Lalnunmawia S/o H. Kiaunuaia, Lawngtlai.Bazar, Thisen pek zat : 39
7. Lalramherliana S/o VLH. Thanga (L), College Veng, Thisen pek zat : 40
8. V. Chatuanlalramluahpuia S/o Vanlalhlaua, Lawngtlai College Veng, Thisen pek zat : 38
9. Hmangaihzuala S/o K. Lalpianga, New Vengpui, Thisen pek zat : 32
10. Zaithanchhunga, Thingkah, Thisen pek zat : 34
Vawi 50 pe chin :
1. A. Laldika S/o A. Thangruma, Chandmary, Thisen pek zat : 50
2. C. Hrangthanngura S/o C.Vanlalliana (L), Bazar, Thisen pek zat : 52
3. PC. Chuaudinga S/o PC. Lianvenga (L), New Vengpui, Thisen pek zat : 51
4. C. Lalawmpuia S/o C. Thanthuama Veng: College Veng, Lawngtlai, Thisen pek zat : 52
3. PC. Chuaudinga S/o PC. Lianvenga (L), New Vengpui, Thisen pek zat : 51
4. C. Lalawmpuia S/o C. Thanthuama Veng: College Veng, Lawngtlai, Thisen pek zat : 52
5. Elvis Lalthangzuala S/o H. Remmawia (L), Council Veng, Thisen pek zat : 53
6. Lalramdinsanga, Lawngtlai Vengpui, Thisen pek zat : 57
Pawl thisen pe te :
1. Lawngtlai Area TKP Coordination Committee
2. LIKBK Central Thalai Pawl
3. PYD Mizoram
4. NSS Unit, Govt. Lawngtlai College
5. Assam Rifle
6. NSS Unit, GRHSS
7. 3rd IR Battalion
Post a Comment