June 2, 2024 (Rauthla) : LIKBKTP ten Environment Protection atana 5 Years Plan an neih mek bawhzuiin nimin khan Central Thalai Pawl Environment Protection Committee hmalaknain Eastern Zone, Western Zone leh Central Zone-a LIKBK Thalai Pawl member thahnem takin thing tiak phun hnatlang an thawk.
Central Zone lam hian Tuipui Ferry kawngah thing tiak 400 an phun belh a. Tuipui Ferry thlen dawn hnaiah Awareness Hoarding tar an bawk. LADC EF&CC nen thawk hovin Tuipui Ferry kawng hi kawngkam thing phunin an vil zui mek.
Central Zone hnatlang hi LIKBK Council Veng Biak Inah innghah khawmin, LADC DCF, Pu C. Sangliana'n thu tawi a sawi a, Rev. K. Lalchamliana Lai-in tawngtaina a nei a, hnatlang thawh tan a ni.
Eastern Zone lamah S. Lungpher Pastor Bial Ṭhalai Pawl ten an unit huam chhungah thing tiak phun hnatlang hi an thawk a, S. Lungpher Unit ten thing tiak 50 vel phunin, Gilead Unit ten thing tiak 100 vel an phun bawk a. Sangau East Pastor bial huam chhunga Unit pahnih, Sangau-I Unit leh Bethel Unit, Pangkhua ten nimin vek khan thing tiak phun hnatlang neiin, Sangau-I Unit ten thing tiak 35 phuin, Bethel Unit, Pangkhua ten thing tiak 30 an phun bawk a ni.
Post a Comment