June 5, 2024 (Rauthla) : MPCC President Lal Thanzara chuan June 25, 2024-a AMC Ward-XIX by-election-a an candidate tur chu Effie Vanlalhmangaihi (48), Venghnuai a nih thu vawiin khan a puang.
MPCC tarlan danin, Effie Vanlalhmangaihi hian Congress Mahila-ah Secretary nihna a chelh mek a. Venghnuai Local Council Member ni lai niin Local Council-ah a zawnin term 2 thlan tlin tawh a ni.
Effie Vanlalhmangaihi hi MA (History) a ni a, hun rei tak ZONET-ah news reader a lo ni tawh.
By-election hi June 25, 2024-a neih tur a ni a. AMC Ward No. XIX hian Tlangnuam, Tlangnuam Vengthar, Kulikawn, Melthum, Hlimen leh Saikhamakawn a huam.
Post a Comment