May 3, 2024, Lawngtlai : LADC enkawl lailawktu (Caretaker) Pu Cheemala Siva Gopal Reddy chuan vawiin khan LADC Revenue hmuh atanga an lei bawlhhlawh bawm 100 chu Lawngtlai khawpui chhunga Village Council te hnenah a sem.
Hemi puala inkhawm hi Chief Executive Member, LADC Conference Hall-ah neih niin, CEM LADC Office tualah Bawlhhlawh bawm hlanna hun hman a ni a. Pu Cheemala Siva Gopal Reddy chuan he huna tel Lawngtlai khawpui chhunga VC te chungah lawmthu a sawi a, 'Lawngtlai khawpui chhung hi kan vawngfai thei a, Mizoram khawpui fai ber ni thei tura tan kan lak a tul a, faina leh thianghlimna zirtirna kawngah theih tawp chhuah tul a ni, a ti a. Lawngtlai chu khawpui thianghlim leh nuam tak kan nih theih nan VC te chu an huamchhungah theihtawp chhuah turin a chah.
Caretaker chuan, LADC Revenue hmuh atangin bawlhhlawh bawm 100 lei a nih thu sawiin, chungte chu Khawpui chhung VC tinah paruk (6) theuha sem a nih thu leh veng lian deuhah chuan an mamawh dan a zirin pek tam deuh an nih thu a sawi a, bawlhhlawh bawm te chu veng lun lai deuhah dah tur niin, chawlhkar khatah vawihnih lakhawm thin a ni dawn tih sawiin, Carbage bag pawh engnge maw zat pek an nih tur thu a sawi bawk. Pu Cheemala Siva Gopal Reddy chuan tuna hmalakna chu a hmahruai chauh a ni a, harsatna leh mamawh an neih chuan, Sanitation Department, LADC ah hriattir thin turin VC te a chah a, Sanitation & Waste Management Department, LADC chuan Bawlhhlawh sawngbawlna tur a hmuh tur thu sawiin, theihtawp chhuaha tan lak tlan a ngaih thu a sawi.
He hun hi Pu HC. Vanlalruatpuia, Sanitation & Waste Management Officer chuan kaihruaiin, Pu K. Lalthanzara, Executive Secretary, LADC pawhin thu a sawi bawk.
Post a Comment