May 1, 2024 (Rauthla) : NEC atanga cheng Nuai 180 senga an lei CT Scan chu vawiin khan LCMC ah amamawh apiangte hman theih turin Rev. Dr. Ceu Lian Thang, General Secretary, Chin Baptist Church, USA chuan Pathian hnenah hlanin a hawng.
Dr. B. Zonunsanga, Medical Superintendent, LCMC chuan Lawngtlai District in a mamawh em em CT Scan an nei ta leh, mipui tana hman theih tura peih fel a ni ta chu chu lawmawm a tih thu sawiin, CT Scan chu kumin 2024 February Ni 24 khan Mumbai atangin LCMC ah phurh thlen a nih thu te, NEC sum hmanga cheng nuai 180 sen anih thu te sawi langin, CT Scan hi Siemens Company siam niin, 96 Slice a nih thu a sawi a, tuna an dahna chu tunhmaa Tuma Cabin ni thin, CT Scan dahna atana an siam danglam tak a nih thu a sawi lang bawk.
LCMC Complex, Tuma Cabin-a hemi puala inkhawm hi Revd C. Hrangzuala, Chairman, LIKBK Assembly chuan a kaihruai a ni.
Post a Comment