Aizawl- 1st April,2024 : Lawngtlai District Students' Association chuan tunhnai 28th feb 2024, 4th & 6th March 2024 a LADC hnuaia department hrang hrang a appointment pek te chu, appointment an hmuhna tura approval pe tu tur ber CEM in majority a command tawhlo tih report LADC CEM 13 (Sawmpathum) ten DC&MA Govt.of Mizoram leh, Governor of Mizoram hnena report an thehluh hnu ah leh Governor in floor test nei tura order a pek tihchhuah anih hnu a appointment approval hi pek anih avangin, Governor hnenah he thil hi chhuichianga, heng hna pek te hi sût tura ngenna vawiin khan an thehlut.
LADC a MDC 13 (sawmpathum) ten DC&MA Department Govt.of Mizoram leh Governor hnena LADC CEM in LADC sorkar ah majority a command tawhlo tih an thehluh ni Dt.28.2.2024 khan LADC hnuaiah mi 10 appointment pek ni in, Governor order anga floor test nei tura order tihchhuah ni Dt.4.3.2024 ah appointment pakhat pek ni in, Governor order achhuah atanga ni 2 na, Dt.6.3.2024 ah khan mi 8 (pariat) LADC hnuaiah appointment pek leh an ni. Heng LADC hnuaia appointment pek te hi CEM LADC in majority a command tawhloh hnu a pek te an nih avangin LDSA chuan vawiin khan Mizoram Governor hnenah he thil hi chhuichianga, heng hna pekte hi sût tura an duh thu lehkha siamin an thehlut a ni. LDSA in Governor lehkha an pek hi Secretary DC&MA Govt.of Mizoram pawh a copy pek ni in, a tul anga lo bawhzui sak turin LDSA chuan a ngen bawk a ni.
Post a Comment