March 29, 2024 (Rauthla) : Tukin zing dar 2:30 bawr vel khan Tuipang leh Theiri inkar, Theiri hnaih lamah 407 Tripper chesualin, a khaltu Malsawmthara (18) S/o Thlungliana, Pangkhua chu a boral.
Theiri MTP President sawi danin, lirthei chesual hian Refugee te bungrua a phur thin a, Tuipang atanga a lo let lam chu Tuipang daiah a mu hahdam a, heta atanga a lo chhuak leh hi a chesual ta a ni. A chetsualna hmun hi Tuipang leh Theiri inkar niin, lirthei hi kawng atangin metre 40 velah a lum a ni.
Malsawmthara ruang hi lak chhuah tawh a ni a, tunah Theiri ah awm mek, Theiri MTP in a kuang an siamsak a, Siaha-ah Post mortem tura ruahman a ni.
Malsawmthara hi Pangkhua a cheng an ni a, LIKBK Shilom Local Church-ah an lawi a, nupui nei hlim niin, fa kar khata upa an nei mek a ni.
Post a Comment