March 14, 2024 (Rauthla) : Vawiin, March 14, 2024 khan Lawngtlai District Legal Service Authority leh MJA Lawngtlai District tangkawpin CJM office chamber ah MJA Lawngtlai District member te pualin Legal Awarness Programme hman a ni.
Pu C. Lalrinfela, Advocate kaihhruai programme-ah hian Pu C. Lalremsanga, JMFC chuan thusawiin, tunlai social media thang mekah Journalist rintlak kan mamawh thu a sawi a, Journalist te chuan dan an hriat a ngai a ni, a ti.
Pu ST. Ramhmachhuanmawia, Advocate chuan news siamah Journalist te fimkhur a tul thu a sawi a, tunlaiin court case kal lai, la final loh ang chite, naupang chungchangah te a hre hmasa ber inchuhin thu kan post a, tawngkam hman dan pawh fimkhur chuang lovin social media khawih thei nazawngin chanchin thar kan post/siam thin chu pawi a tih thu a sawi a. Hengah hian Journalist thuchhuah ngei hi rintlak a ni a, post hmasa nih duh a, thlifim hmasa lova thu post zung zung hi kan sim a tha, a ti.
Pu Elvis Lalthangzuala, President MJA Lawngtlai District chuan dan hriat loh a pawi thu sawiin, dan kan hre lo tih avanga thiam chan theihna dan a awm loh avang leh dan thar a lo awm zeuh zeuh zel avangin mi tinte tan dan hriat a pawimawh tih a sawi a. MJA leh District Legal Service Authority te chu thawkho awm ngawih ngawih an nih thu a sawi.
Post a Comment