March 17, 2024 : Nimin khan Central YLA General Secretary Pu Joseph Lalhmingthanga Chinzah chuan Vaṭhuampui khuaa YLA Vaṭhuampui Branch te'n Information Centre an sak leh YLA Golden Jubilee lungphun a hawng.
YLA Vaṭhuampui Branch Information Centre leh Golden Jubilee lungphun hawn Programme puala Inkhawm buatsaih hi Vaṭhuampui Branch Secretary-in kaihruaiin, Rev. Ngurliantluanga Chinzah, LIKBK Vaṭhuampui Bialtu Pastor-in hunserh a hmang a. Pu Joseph Lalhmingthanga Chinzah, General Secretary leh Pu T. Lalremsanga, Asst. General Secretary te'n thusawiin YLA chhang leh Branch YLA Cultural Troops te'n hnam lam entirin mimal zaithiamte an zai bawk.
He programme hmanpui tur hian Lawngtlai aṭangin Central YLA General Secretary leh Asst. General Secretary te bakah Central YLA Secretary, CEC members, YLA New Vengpui Branch leh YLA AOC Veng Branch hruaitute an kal a, YLA Vaṭhuampui Sub-HQ hruaitute'n an ṭawiawm bawk a ni.
Programme hman zawh hian YLA Vaṭhuampui Branch leh Vaṭhuampui Vengpui Branch te nen inkawmhona an nei bawk.
Post a Comment