Kawnpui 24.02.2024 (Inrinni) : Sports Minister Pu Lalnghinglova Hmar chuan vawiin khan Kawnpuia Sports Department hmalakna te a tlawh a, sorkar tharah infiamna ruhrel din belh lam an insum rih tur thu leh zirna leh hriselna lama insen hmasak tum a nih thu a sawi.
Sports & Youth Services Minister hian Sports Department hnuaia Kawnpuia Phullem phah mek leh Hockey Ground te a tlawh a, Minister chuan tun Sawrkar kalphungah chuan Zirna leh Hriselna lama insen hmasak a ngai a, Infiamna hmunhma buatsaih vak vak chu insum rih a ngai a ti a, hemi rual hian infiamna hmun hma awmsa, siam tawh te erawh hman tangkai ngei an duh tih a sawi a, sorkarin a duh ber chu Sports ruhrel din tawh te chu infiammi ten a nih dang tur angin hmang tangkai se tih a ni a ti bawk.
LESDE department changtu Minister ni bawk Pu Pu Lalnghinglova Hmar chuan LESDE hnuaiah thalai 10,000 velin eizawnna an neih theihna tura training chu Sawrkar laipui in a ruahman theih tur thu a sawi a, hetah hian ruihhlo-in a tihbuai thalaite ngaihtuah tel an ngaih bawk avangin khawtlang hruaitute chu ngaihtuahna lo seng a, thawhpuiah a sawm bawk a ni.
Post a Comment