February 5, 2024 (Rauthla) : ZPM Lai District Headquarters Lawngtlai President MC. Lalramchhana chuan mipuite beisei ang takin kan hotute hian hnathawh an tum a, an thawk mek bawk a ni, a ti. 

ZPM Lai District Headquarters Lawngtlai chuan vawiin khan chhung inkhawm programme leh mi thar lawmluhna hun an office-ah an nei a. He huna thusawitu Pu MC. Lalramchhana, President ZPM Lai District Headquarters Lawngtlai chuan, "Political party dangte chu hun rei tak lo awm tawh leh, kum tam tak liam ta a lo din tawhte kha an ni a. ZPM party erawh hi chu kan indin thar mek chauh a ni a, chuvangin mi zawng zawng ZPM ah hian kan leng vek a. Ram siamthatna hna thawk turin lungrual takin ke i pen ho zel ang u" a ti bawk.

Vawiin hun an hmannaah hian tun hnaia ZPM party chhungkua aṭanga chatuan ram pan ta, Pu Michael Lalliannghaka (Bazar Unit Secretary) leh Pu K. Lalremsiama (Saikah 'U' Adviser) te sunna hun hman a ni a. ZPM party zawm thar mi duhawm tak tak lawmluh ni bawkin, an zingah hian Pu Lallura Chinzah ex-MDC, Pu VL. Hrina Tlumang MNF VC, Pu Sakhawliana te leh midang engemaw zat an tel a ni.

He hun hi Pi Lalchhuanmawii, President, Zonu District Headquarters-in a kaihruai a. Pu C. Vanlalhluna chuan hunserh hmangin, Pu B. Lalrinsanga, Treasurer hnen aṭangin zin report kimchang leh chipchiar tak ngaihthlak niin,. ZPM Lai District Headquarters Lawngtlai hruaitute leh town chhung ZPM member mi engemaw zat an kalkhawm a ni.

Post a Comment

Powered by Blogger.