February 20, 2024 (Rauthla) : Vawiin khan Lawngtlai District Students' Association (LDSA) chuan Zorinsangi D/o T. Malsawmdawngliana, Lawngtlai College Veng chu Mizoram Civil Service (Combined Competitive Examination) 2023 a pahnihna a nih lawmpuina leh chawimawina thuziak an hlan.
He hun hmannaah hian LDSA Adviser Pu H. Lalramhluna chuan Zorinsangi chu Lawngtlai College Veng mai bakah, Lawngtlai District pumpui tihmingthatu a ni tih sawiin, LDSA chuan a hlawhtlinna a an lawmpui thu leh, Lawngtlai District-a awm thalaite tana entawn tlak ni zel tura a duh thu a sawi a ni.
Zorinsangi Pa, Pu T. Malsawmdawngliana chuan LDSA ten an fanu chawimawina an hlan chu a lawmawm a tih thu leh, Lawngtlai District in zirna mai bakah, kawng hrang hranga hma a sawnna kawnga hna thawktu ni tura LDSA din a ni chu tha a tih thu a sawi bawk.
Zorinsangi chawimawina hun hmannaah hian LDSA hruaitu atangin Lalpriskili leh Lalpekhlua bakah, LDSA member atangin Mafana Fanchun, Esther Lawmsangzuali leh LDSA Adviser Pu H. Lalramhluna te an tel a ni.
Post a Comment