February 2, 2024 (Lawngtlai) : February ni 5 atanga ni 9 thlenga kalpui tur kangmei veng tura beihpui thlakna hapta, Fire prevention Week 2024 kalpui dan tur relin vawiin khan DC Conference Hall, Lawngtlaiah District Level Fire Prevention Committee chu Cheemala Siva Gopal Reddy, IAS, Deputy Commissioner kaihhruaina hnuaiah thukhawmin, Pu K. Lalromawia, DCCF, LADC chuan kum hmasaa hun hman dan te a tarlang bawk.
Pu Cheemala Siva Gopal Reddy, IAS chuan kim tin a fimkhur lohna avanga kangmei chhuak thinin ram leilung hausakna, in leh lo leh nunna hial channa a thlen thin chu fimkhurna hmangin a tih tlem theih thu a sawi a. Fire Prevention Week 2024 chhung hian Lawngtlai district hmun hrang hrangah kangmei veng tur a fimkhur pawimawh zia inzirtirna uar tak a kalpui a tul thu a sawi.
Thutkhawmna ah hian Fire Prevention Week 2024 khuhhawnna chu February ni 5, 2024 hian DC Conference Hall-ah neih nise ti a rel a ni a, khuallian a tan Chief Executive Member, LADC ruat a ni. Khawtlang hriatpuina in lo hal hun chhung chu March ni 15 thleng ruat niin hmunphiah hmun erawh chu March ni 31 thleng a ni thung. Fire Prevention Week hman chhung hian Lawngtlai District chhung a sawrkar pisa tin te chuan an hmunhma te kangmei laka a him leh him loh endik tur a tih niin kang thelhna hmanrua hman dan inzirtir tur a tih a ni bawk. Khaw hrang hrang a Gram Sabha thutkhawmna ah kangmei lak a fimkhur tur a inzirtirna neih nise ti a rel niin ni 2 chhung mei kawng sial hna thawh dan tur sawi a ni.
January leh May 2023 inkar khan LADC huam chhung a huan, lo, ram 360 leh ram kang hmun 15 ah a thleng a, 97.59 Ha a zau anga chhinchhiah a ni a. CADC huam chhung a huan, lo, ram 365 hal niin 74.6 Ha a zau anga chhinchhiah a ni bawk.
Post a Comment