February 9, 2024 : Vawiin khan Additional DC, Lawngtlai Pu Abraham Beirazi Khithie hovin Chapchar Kut Committee chuan DC Conference Hall-ah Lawngtlai Chapchar Kut hman dan tur rel a ni. Chapchar Kut hi kumin March 1 hian hman a ni ang.
Vawiin thutkhawmah hian Lawngtlaia Chapchar Kut hmanna hmun atan DC Pisa tual nise an ti a, Kut Pa atan Adviser to Chief Minister, Dr. Lorrain Lalpekliana Chinzah, Kut thlangtu atan Lawngtlai DC an ruat a, Chapchar Kutah hian kum danga lo tih thin angin, hnam ziarang pholang thei zai leh lam bakah thil hrang hrang pho lante, thalaite huikhawm leh lawm zawng Programme a tam thei ang ber zeh tel te an rel a, chanvo hrang hrang a mawhphurtu turte ruatfel niin, bawhzui ngai hrang hrang bawhzui turin Additional DC kaihhruaina hnuaiah Working Committee din a ni bawk.
Lawngtlaia Chapchar Kut hman dan tur relnaah hian Sorkar Department hotute, Tlawmngai pawl aiawh leh Chanchinbu mite an tel.
Chanvo neitur a beisei te :
Hlado - MUP
Zaipawl - Central YLA
Rawkhawthlak - ANM School
Conglaizawn - LWA
Chai - Central YLA
Pawhlohtlawh - Central YLA
Parlam, Chheihlam - MHIP
Chhawnghnawh - DC Office
Chapchar kutah hian Phawngpui Photographers Association ten Miss Chapchar Kut, Little Miss leh Litle Mister an thlang ang.
Post a Comment