January 2, 2024 (rauthla) : Lawngtlai District Students’ Association (LDSA) chuan Pu V. Zirsanga chu a rang thei ang bera LADC a CEM anihna atanga banna thehlut turin an phut tih an sawi.
LDSA chuan 'Lai Autonomous District Council a Chief Executive Member nilai Pu V. Zirsanga chu, Special Court in eiruk leh zirtirtu diklo taka lakna thubuai ah thiamloh a chantir tak avangin, keini Lawngtlai District Students’ Association te chuan Pu V. Zirsanga hi Lai Autonomous District Council hotu lu ber nihna chelh tlak ah kan ngai tawh lova. He hna zahawm tak, mipui aiawha Lairam a hotu lu ber nihna dinhmun hi, amah pawhin chelh tlak a ni tawhlo tih inhria in banna thehlut sela kan duh a ni' an ti.
Mipui pawisa eirukna mai bakah, kan ram future naupangte zirtirtu tur dawt hmanga la hrehlo Pu V. Zirsanga hian, tuna kan Lairam dinhmun piah lamah Lawngtlai District pumpui ang pawhin kan hma hun a tichhia a ni tih hi lo in hria sela. A rang thei ang bera LADC a CEM anihna atanga banna thehlut turin kan phut a ni, tiin vawiin khan LDSA hian thuchhuah an siam.
Post a Comment