February 23, 2024 (Rauthla) : Chandmary Mual, Lawngtlaia Hlukhla Kut hmannaah vawiin khan Chief Executive Member, LADC Best Teacher Award sem a ni.
CEM LADC Best Teacher Award hi Pu V. Zirsanga, CEM LADC leh Pu VL Hmuaka, Chairman, LADC ten semin, CEM LADC Best Teacher Award (Primary Section) hi F. Lalrambeiseia s/o F. Lianzama, Headmaster, Mampui PS II hnenah hlan a ni a, CEM LADC Best Teacher Award (Middle Section) hi L. Vanchhawng d/o V. Kapliana, Model English School, Lawngtlai hnenah hlan a ni.
F. Lalrambeiseia hi zirtirtuah kum 1997 khan lutin, kum 2020 ah Headmaster-ah hlankai a ni a. A thahnemngaihnain School building chhe tawhte a repair thin a, school fencing chhiate pawh a repair thin bawk. LADCBSE in 2020-2023 a Common Question Examination a buatsaihah a school naupang pahnih chu top ten ah an lang.
L. Vanchhawng hi kum 1999 ah zirtirtuah lutin, kum 2022 a Adult Teacher Association Lawngtlaiin Quiz Competition a buatsaihah Model English School te pahnihna a nih pui a, kum 2024-2019 chhunga Model English School-in Cleanliness Drive-a pakhatna an nih theihna tura hmalatu pawimawh tak zing a mi a ni a. Lawngtlai District Elementary State Level Spelling Bee Competition-ah Model English School te pakhatna a nih pui bawk. MBSE hnuaia Class VII Board Exam a nih lai khan a subject English ah a zirlai te an pass vek a ni.
CEM LADC Best Teacher Award hian pawisa fai cheng sinnga leh Cerificate a keng tel a ni.
Post a Comment